- Dettagli
- Domenica, 06 Ottobre 2024 10:51
- Scritto da Redazione
Tzeddiani. Is òperas de tzia Verònica Serra
Passillende in Tzeddiani, una de is biddas de sa garnatza, acontesset fatu-fatu de abarrare a buca aberta in dae in antis de unu de is murales de – o chi regordant a – Verònica Serra, in arte tzia Verònica, chi cun is fainas suas at furriadu sa bidda de su Campidanu de Susu a unu paru de museu in logu abertu.
S’artista at contadu me in is pinturas naïf suas, ispartas in agiomai totu is domos tzeddianesas, momentos de sa vida de ònnia die, paesàgios, su traballu, sa festa … cun àteros faeddos s’identidade culturale de Tzeddiani e, a manera prus generale, de su Campidanu de Aristanis de sa prima parte de su Noighentos. Is òperas de tzia Verònica sunt unu documentu chi testimòngiat unu mundu de traditziones e costumàntzias chi sunt mudadas meda cun su tempus, unu paru de paristòria bella e ammajadora, at tentu manera de nàrrere su crìticu de arte Ivo Serafino Fenu.
E, si est berus chi tzia Verònica at tramudadu pro annos meda, a pinzellu in manos, sa vida de is tzeddianesos me in is cuadros suos, est berus aici etotu chi sa bidda – cumentzende dae s’Amministratzione comunale e dae sa Pro Loco – dae cando est morta, in su 2018 a 95 annos, amegat de dda regordare ònnia annu e de fàghere a connòschere s’ispantu, is colores, sa bellesa de is òperas suas. E difatis ocannu puru, sàbadu 5 e domìnigu 6 de su mese de ledàmene, Tzeddiani regordat a sa pintora sua cun un’addòbiu intituladu Animali(a) Mundi.
Rapresentatziones de animales dae s’arte antiga a s’arte naïve, chi si faghet in su Magasinu de su monte. Sunt medas is relatadores chi, a pustis de su saludu de su sìndigu Claudio Pinna e de sa presentada de Eleonora Fadda, ant a faeddare de berbeghes, caddos, boes e àteros animales chi bessint in s’arte antiga e in cussa de s’edade de mesu de sa Sardigna.
Ma ddoe ant cuncordadu fintzas unu muntone de mustras, cuncursos e laboratòrios de pintura, paradas in ue faghet a papare màndigos bonos, cuntzertos, comente a su de is Janas, sàbadu a note.
Àteros informos s’agatant in sa pàgina de Facebook Zia Veronica in s’indiritzu www.2343ec78a04c6ea9d80806345d31fd78-gdprlock/ziaveronicaofficial
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.