• #L'Arborense
• #ArcidiocesidiOristano
• #inlimba
• #Sardo
• #Imprentas

Contzìliu Vaticanu de duus: Indulgèntzia e documentus 

Su trexi de maju de ocannu passau ant pubricau is arrègulas po aciapai s’indulgèntzia in su tempus de custu Giubileu chi eus apenas cumentzau. Comenti a sèmpiri si podit pigai su perdonu de is curpas preghendi po su Paba o po is ànimas de su Prugadòriu. In prus si podit pigai faendi su pellegrinàgiu a Roma o passendi peri una de is Gennas santas abertas de su Paba o de is pìscamus me in diòtzesis de su mundu interu.

Ma in custu Giubileu ddoi est finsas un’àtera manera, chi mi parit sia noa e mai incingiada innantis de oi. In su capìtulu tres si scriit: Is fidelis podint pigai s’Indulgèntzia chi, cun ànimu bellu, pigant parti a Missionis popularis, a esercìtzius spiritualis, a atòbius in contu de is documentus de su Contzìliu Vaticanu de duus o in contu de is scritus de sa Dotrina de sa Crèsia Catòlica.

No est una novidadi de pagu contu, poita in prus a is oratzionis e a is fainas de devotzioni, s’indulgèntzia est po chistionis de stùdiu e de connoscèntzia. A sessanta annus de sa serrada de su Contzìliu Vaticanu de duus (s’otu de mesi-de-ladàmini de su 1965) su Paba si pregontat de torrai a cussus documentus chi is pìscamus de su mundu ant scritu e pubricau in tres annus de atòbius.

Duncas, custa norma si torrat a pregontai de s’atobiai impari po ligi, po ascurtai, po connosci is ùrtimas detèrminas de sa Crèsia. Iat a essi bellu meda chi me in is parròchias nostas ddoi siat assumancus un’atòbiu po spiegai su Contzìliu, sa stòria sua e po fai a cumprendi comenti est serbiu no po mudai su chi s’est sèmpiri fatu, ma po torrai a sa Traditzioni prus lìmpia de sa Crèsia. Ingunis ant determinau de torrai a donai a sa genti sa Bìbbia e a dd’agiudai a dda ligi, sena de timi finas cussus contus de violèntzia, de disamistadi, de timoria.

In prus, s’impìnnu a tradusi sa Bìbbia me in is lìnguas chi sa genti chistionàt dònnia dii. E custu est stètiu fatu po sa liturgia puru: no prus in latinu, ma in dònnia lìngua de su mundu. E po fai custu ant dèpiu pensai e decidi de mudai una bidea de Crèsia chi fiat a livellus diferentis, cun importu diferenti po pabas, pìscamus e predis a un’ala e su pòpulu a s’àtera.

Ant torrau a bogai a pillu su valori de su Pòpulu de Deus, chi pinnicat apari a totus, de su primu a s’ùrtimu batiau sena chi nci siat calincunu prus de importu e calincunu prus pagu. Ddoi funt diferèntzias de arrolu, de servìtziu, de vocatzioni, de ministèriu, ma totus faint parti de su Pòpulu de Deus. No at a essi tempus fulliau a studiai su Contzìliu!

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...