- Dettagli
- Domenica, 23 Febbraio 2025 11:05
- Scritto da Redazione
Abertu in sa Provìntzia de Aristanis
Gràtzias a unu finantziamentu regionale de € 57.697,60 assignadu dae su Servìtziu Limba e Cultura sarda cun sa Lege 482/99 e sa L.R. 22/18, sa Provìntzia de Aristanis at incarreradu ocannu puru su progetu Su sardu: limba bia, pro s’avaloramentu e sa crèschida de s’impreu sotziale de sa limba in ònnia logu. Prus a fine, sa faina previdet s’abertura de un’isportellu linguìsticu, su cuncordu de unu cursu de formatzione pro imparare a iscrìere in sardu, su faghimentu de unu film documentàriu in contu de is produsimentos de s’artesania de sa provìntzia de Aristanis e su cuncordu de unu prèmiu-cuncursu literàriu in contu de unas cantas formas poèticas de su Campidanu de Aristanis chi sunt in arriscu de isparèssere. De su progetu si-nde incurant is espertos de sa cooperativa L’altra cultura, mentras sa referente amministrativa est dot.ra Mònica Norfo.
S’isportellu tenet sa punna de agiudare a is tzitadinos chi bolent impreare su sardu cando faeddant cun is ufìtzios de s’Amministratzione Pùblica e bolet èssere de agiudu a su personale de s’A.P. in su rispòndere impreende sa limba istòricu-identitària nostra. Is operadores sunt a disponimentu de tzitadinos, istudiantes, maistros de iscola, professores pro cale si siat informu, duda, curiosidade in contu de su sardu, pro consulèntzias linguìsticas (grammaticales, ortogràficas, tradutològicas), didàticas, bibliogràficas, sitogràficas, e pro fàghere a connòschere totu is leges chi assegurant a is Sardos su diritu de pòdere faeddare in sardu in ònnia logu. Podent agiudare is Pro Loco, is Unitre, totu is assòtzios culturales e isportivos, is parròchias a contivigiare sa comunicatzione in contu de su chi faghent in sardu puru. Ma s’idea est fintzas de cuncordare laboratòrios e àteras fainas in sardu in is iscolas de sa provìntzia e in is bibliotecas comunales.
Su servìtziu at a abarrare abertu fintzas a su 30 de santandria 2025 su martis, su mèrcuris e sa giòbia a mangianu. Faghet a ddu chircare telefonende a is nùmeros 0783/793413 o 0783/793374 o iscriende a s’indiritzu e-mail Questo indirizzo email è protetto dagli spambots. È necessario abilitare JavaScript per vederlo.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.