- Dettagli
- Domenica, 23 Marzo 2025 10:09
- Scritto da Redazione
Presentada in sa fiera Faghe sa Cosa Giusta
Is biagiadores de s’ànima chi bolent bìvere cun cuscièntzia su Giubileu 2025 tenent un’aina in prus chi ddos podet agiudare a iscobèrrere is caminos prus bellos, ponende paris ispiritualidade, paesàgiu e cultura. Est sa web app Caminos de sa Fide, una mapa interativa isvilupada dae su Servìtziu Informàticu de sa CEI pro custu Annu Santu, presentada s’àtera die in sa fiera Faghe sa Cosa Giusta de Milanu-Rho dae su segretàriu generale, munsennore Giusepe Baturi, e dae don Marco Fagotti. Si-ddoe agatant is bias antigas chi portant a Roma, comente a sa Bia Francìgena, cussa Matìldica, sa Bia de Santu Frantziscu, sa Bia Lauretana, cussa Amerina, e sa Romea Strata.
Sa app dd’ant pensada pro parare fronte a is bisòngios prus de importu de is pellegrinos: su de pregare, su de papare e su de dormire. Ònnia logu est georeferentziadu e oferit informos in sa carrera pràtica e in cussa ispirituale. In prus, custa aina permitit de otènnere su Testimonium giubilare: bastat a fàghere 100 chilòmetros a pee o 200 a bitzicleta in unu de is caminos reconnotos e su sistema, chi marcat a manera automàtica is transiduras, at a dare su tzertificadu digitale.
Si-nde ant a pòdere serbire is milliones e milliones de pellegrinos chi amegant de andare a Roma pro su Giubileu e chi bolent passare peri bias antigas, in ue in is sèculos ddoe ant caminadu rees e imperadores, poetas, artistas, esèrtzitos e gente simpre. Si cumprendet deretu chi sa app permitit a un’ala de cuncordare totu s’acasàgiu ispirituale de is pellegrinos, a s’àtera de agiudare a is operadores cummertziales a ofèrrere s’acasàgiu turìsticu, fatu de cultura, istòria, monumentos, màndigos de su connotu de is logos in ue si passat.
Curiosu meda s’emblema de sa app, unu paru de mosàicu in ue, a prus de una rughe e de su pellegrinu, si-ddoe bient sìmbulos antigos e modernos comente a una bèrtula, una bùssola, una bitzicleta e fintzas su smartphone.
Àteros informos faghet a ddos agatare in s’indiritzu https://www.camminidellafede.it/, dae ue, chie bolet, nde podet iscarrigare custa app chi avalorat s’ispiritualidade itinerante.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.