- Dettagli
- Domenica, 06 Aprile 2025 09:49
- Scritto da Redazione
Is apuntamentos de abrile pro su Giubileu
Su Giubileu amegat de fàghere lòmpere a Roma unu frùmene de gente dae ònnia ala de su mundu. A prus de is pellegrinos chi movent a sa sola o cun is famìllias issoro, bìsitas meda sunt organizadas dae is categorias o cambaradas sotziales de apartenèntzia, cun dies e apuntamentos pensados a s’aposta pro issas.
In custa coa de chida, sàbadu 5 e domìnigu 6 de abrile, si faghet su Giubileu de is Malàidos e de su Mundu de sa Sanidade, a ue sunt invitados a ddoe pigare parte totu is malàidos, is figuras professionales acapiadas a su mundu de sa sanidade (mèigos, infermieris, operadores sanitàrios, voluntàrios, operadores de is pastorales de sa salude) e is familiares issoro.
Dae lunis 14 a mèrcuris 16 de abrile in Roma ddoe sunt is Ghennas abertas a s’Ispera, una mustra-laboratòriu fata dae trinta artistas chi ant a arribare dae ònnia parte de su mundu in rapresentàntzia de culturas e religiones diferentes. Is artistas ant a traballare cun tècnicas diferentes, in logu abertu, cun s’ispiegatzione de s’istile artìsticu de onniunu contivigiada dae is artistas de sa Butega de s’Arte.
Custu apuntamentu bolet sensibilizare su pùblicu in contu de chistiones comente a sa paghe, is mudaduras de su clima, su disterru, sa cunditzione de is fèminas e àteros temas de importu. Dae chenàbura 25 a domìnigu 27 de abrile est in programma su Giubileu de is Adolescentes, cun unu programma ricu meda de fainas de animatzione pro is pitzocheddas/os, cuntzertos, etc.
Pro lunis 28 e martis 29 de abrile, imbetzes, su Vaticanu at cuncordadu su Giubileu de is Persones cun Disabilidade, chi ddoe ant a pòdere pigare parte cun is acumpangiadores issoro. Ammentamus chi is pellegrinos si podent bàlere de s’app Julia, un’assistente virtuale agiornada in tempus reale e cuncordada dae su Comune de Roma pro agiudare a tzitadinos, turistas e pellegrinos a si mòvere in sa Capitale.
Oferit informos in contu de albergos, servìtzios de trasportu pùblicu, logos in ue si podet papare. In s’indiritzu www.iubilaeum2025.va/it si ddoe agatat su calendàriu de is fainas giubilares e totu is informos chi serbint.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.