- Dettagli
- Giovedì, 03 Aprile 2025 09:42
- Scritto da Redazione
Dae Aristanis a Atzara, passende peri Paulle
Dae sa tzitade de Lionora a Atzara, passende peri Paulle, sunt medas is presentadas de libros chi amegant de cuncordare in custu beranu. In Aristanis, pro custu, sighit a si seberare su traballu fitianu fatu dae su Tzentru pro is Servìtzios Culturales UNLA, ghiadu dae Marcello Marras. Ma in is dies passadas, in su Cunsòrtziu UNO ant presentadu s’ùrtimu traballu de Antonio Pinna, Sa crèsia e su monastèriu de su Cramu de Aristanis.
Sa prenda de su rococò in Itàlia, publicadu dae ISKRA. S’òpera faeddat de custu fàbbricu de istile rococò chi su Marchesu d’Arcais don Damiano Nurra aiat fatu fàghere intra de su 1776 e su 1785, a tenore de su progetu de s’architetu Giuseppe Viana, pro ddu donare a s’Òrdine de is Carmelitanos.
Tramudende a un’àtera bidda de s’Artzidiòtzesi nostra, Atzara, pro su mese de abrile e su mese de maju su MAMA (Museu de Arte Moderna e Cuntemporànea) e su Servìtziu bibliotecàriu ddoe ant cuncordadu una rassigna bella de libros, chi at a permìtere de s’acostiare a sa richesa de sa literadura cuntemporànea, faeddende cun autores de importu.
Si cumentzat cun s’ùrtimu romanzu de Gianni Usai Sa note isceti, publicadu dae Il Maestrale, in ue s’autore contat de sa vida de sa famìllia de Thomas e Sofia, inserrados in s’apartamentu issoro, pro ite ca su sole no arbeschet prus. Ma in Atzara s’ant a pòdere connòschere fintzas a Giulio Neri, autore de Repertòriu pro manu manca, e a Savina Dolores Massa, chi at a presentare Pro ite su bentu fiat nieddu, unu libru chi faghet nàschere unu muntone mannu de pregontas in contu de su mundu chi semus connoschende.
Sa bidda de Mandrolisai at a acasagiare fintzas a Francesco Pintore, chi at a faeddare de su mundu de su pastoriu presentende su reportage Tundhimentas, unu biàgiu in mesu de su connotu e de is isfidas de sa Sardigna de mesu. In fines, su 23 de maju, in Paulle, ddoe ant a presentare Deo so innotzente (De Agostini), su libru iscritu a bator manos dae s’abogadu Màuru Trogu e dae Beniamino Zuncheddu, chi nche at passadu 33 annos in presone imputadu de unu mortòrgiu chi no aiat fatu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.