Sa Bibbia frorigiada
- Dettagli
- Categoria principale: Chiesa
- Categoria: Sa Bibbia frorigiada
- Domenica, 30 Novembre 2025 10:36
- Scritto da Redazione
Sa morti de Giusepi
Calincunu o calincuna gei dd’at a nai chi fiat ora puru de acabbai su contu de Giusepi in custa manera chi eus tzerriau Sa Bìbbia frorigiada. Calincunu at imparau calincuna cosa de custu contu? A calincunu dd’est bènniu su disìgiu de ligi in sa Bìbbia de cussu chi eus scritu? Calincunu at tentu dolori a su figau po su chi eus scritu de s’annu passau a oi?
Calincunu, sciendi chi eus acabbau, si bolit pediri de sighiri cun calincunu àteru contu? Movendi de custas pregontas, si tocat diaderus a acabbai su contu de Giusepi, chi apustis de sa morti e de s’interru de su babbu depit biri sa timoria de is fradis. Finas a candu su babbu fiat biu, issus s’intendiant amparaus ma, mortu su babbu, dònnia nuu torrat a sa corda! Est po cussu chi, apustis de s’interru de Giacobbi, is fillus de Giacobbi timint a su fradi insoru, a Giusepi. E sa Bìbbia, comenti fait unu romanzu de su milliesetixentus chi intrat in s’ànima de is atoris, domandat: Ita s’at a fai fradi nostu, imoi chi babbu est mortu? Ita si podit acontessi a nosu, apustis de su chi dd’eus fatu?
Parit de essi anca est su dotori de s’ànima, candu unu cumentzat a si ponni pregontas asusu de su chi at fatu. E po si sarvai sa vida, cumentzant a ddi pediri perdonu, a ddu ingiriai cun muinas e litanias. Imoi chi est mortu babbu, no si fetzas cussu chi t’eus fatu sunfriri nosu etotu. Non si lassis in penas e in suferèntzias. Non si tratis comenti a inimigus. Fai-sì perdonu e amistadi.
E su chi scriit su contu, de seguru apustis de annus e annus, prus de centinas de annus, scriit s’arrespusta de Giusepi: Seu deu sètziu in sa cadira de Deus po si-nci podi ghetai a galera? Seu deu poderosu de si podi cundennai? Est in manu cosa mia a fai custu? E su contu sighit e finit sa Gènesi in d-una manera chi prus bella no podiat: Chi Deus s’at lassau fai su chi eis fatu, forsis chi non est stètiu po su beni? Iat giai nau (cap. 45): Seu arribau a innoi po s’assetiai unu logu, po si cuncordai un’aposentu. No at a essi custu su progetu de Deus finas de su cumentzu? Sa malesa chi eis tentu contras a mei, Deus no dd’at bortada po sarvai a mei e a bosàterus? Su chi eis fatu de mali a mei, Deus dd’at furriau a beni po mei e po bosàterus. Su chi scriit parit de si nai ca est pròpiu custu su bellu de sa vida: ca su chi si parit cosa mala, si podit bortai a cosa bella e de sarvesa.
Duncas, Giusepi e is fradis morint. E sa genia apustis de issu at a sighiri s’imperu chi at tentu. Est innoi chi cumentzat su libru de Is nòminis, segundu sa manera ebràica, chi nosu connosceus comenti a s’Èsodu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
Sta per partire la nuova campagna abbonamenti de L'ARBORENSE per il 2026!
A soli 30 euro 45 numeri che arrivano direttamente a casa.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.