• #L'Arborense
• #ArcidiocesidiOristano
• #inlimba
• #Sardo
• #Imprentas
• #AntoniNàtziuGarau

Vida noa pro sa cannaca Sa biblioteca de Babele

In una simana in ue s’informu curret in tempus reale in Internet e in sos social, in ue sa gente – pro more de sos ritmos de sa vida cuntemporànea – leghet semper prus pagu e sas domos de imprenta puru sufrint sa crisi de su “àere totu sena de ispèndere e in presse”, s’abbiatzamentu de una cannaca noa de libros de paperi est de saludare cun unu tzacarra-manu de incoragimentu.

Prus che totu si sa cannaca dd’aiat fata nàschere un’òmine de cultura comente a professore Nicola Tanda in su 1995, ghiende-dda fintzas a su 2016, annu cando fiat mortu. A pustis de 10 annos, a custa eredade identitària de importu pro sa literadura e pro sas limbas de Sardigna at seberadu de ddi torrare vida Dino Manca, professore de Filologia de sa Literadura italiana e de Literadura e Filologia de sa Sardigna in s’Universidade de Tàtari e dischente de prof.re Tanda.

A sa cannaca de literadura sarda ddi narant Sa biblioteca de Babele: publicada dae EDES, tenet sa punna de donare un’atentu particulare a autores noos e òperas originales in su panorama literàriu de sa Sardigna, iscritas in totu sas limbas de s’Ìsula. S’idea est sa de fraigare una biblioteca chi onni Sardu diat bòlere àere in su parastàgiu de domo sua. E manera mègius pro dda torrare a abbiatzare custa cannaca,

Dino Manca non la podiat agatare: su bòidu de 10 annos de mudìmene, difatis, s’est torradu a prenare cun Arvores, una regorta de lìricas de sa poeta oroseina-luvulesa Maria Teresa Rosu. Sas poesias sunt in limba sarda, ma cun carchi versu de introduida in italianu, comente a duas criaduras chi si chistionant a pare. Sa regorta est partzida in tres partes,

A de die, A de note e Avreschende, chi contant tres simanas diferentes de sa vida de sa poeta, cun acontèssidos bellos e malos. Su ghetu poèticu de Rosu est su de lassare su coro semper lìberu de andare a ue li narat s’acucada, sa mota, s’imbentu. Ca fàghere poesia est unu bisòngiu, una fortza chi movet dae sas intragnas, mala a domare fintzas a cando sa poesia naschet e si cumprit.

* di Antoni Nàtziu Garau

E' questo il tempo giusto per abbonarsi a L'ARBORENSE

Il giornale direttamente a casa tutte le settimane.

Scopri come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...