- Dettagli
- Domenica, 24 Maggio 2026 12:07
- Scritto da Redazione
Presentada in su Salone de su Libru de Torinu
Intra de is novas editoriales chi sa Sardigna at presentadu in su Salone internatzionale de su Libru de Torinu ddoe est fintzas sa rivista Àidos, unu ponte cara a su benidore de sa terra nostra fraigadu cun analizos linguìsticos, istòricos e literàrios. A sa presentada ddoe at pigadu parte fintzas s’assessora regionale de s’Istrutzione pùblica e de is Benes culturales, Ilaria Portas. Contivigiada dae Gabriele Tanda, Mauro Piredda e Riccardo Mura paris cun su CESIM (Tzentru de Istùdios Identidade e Memòria) e publicada dae Condaghes, sa rivista si nche istèsiat dae is tìrrias de is social, preferende su rigore iscientìficu e su meledu fundudu.
Su tìtulu Àidos, chi bolet nàrrere giassu, intrada, logu in ue si passat (dae su latinu ADITUM), est sa metàfora de un’òpera chi bolet èssere una mirada noa cara a s’Ìsula, ponende paris bisiones diferentes a intro de tres surcos de importu de s’identidade culturale sarda: sa linguìstica, pro iscrucullare cun s’agiudu de is istudiosos sa richesa de is limbas de Sardigna; s’istòria, pro àere memòria de su caminu fatu dae is Sardos; sa literadura, pro bìere comente totu is Sardos si contant e contant su mundu.
Una faina atrivida, chi isfidat sa manera impressida de otènnere e de frunire informos chi piessignat sa comunicatzione cuntemporànea, in ue a bortas non faghet a seberare su beru dae su farsu, is cosas pensadas e iscritas dae su cherbeddu de is cristianos dae cuddas regortas, postas paris e sestadas dae s’Intelligèntzia Artifitziale. Unu logu in ue intelletuales, poetas, istudiosos si podent addobiare e cunfrontare. Su primu nùmeru s’aberit cun un’apellu pro unu resonu sèriu e meledadu, chi favoressat sa dialètica de is ideas. Su primu fungudamentu pertocat a is faeddadores noos, is chi sèberant de impreare su sardu e is àteras limbas de Sardigna pro su benidore issoro e de is limbas etotu.
In is dies imbenientes at a fàghere a nde iscarrigare su primu nùmeru de sa rivista dae s’indiritzu www.cesimsardegna.com
* di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Le edicole chiudono: si legge di meno?
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.