• #L'Arborense
• #ArcidiocesidiOristano
• #inlimba
• #Sardo
• #Imprentas
• #MicheleAntonioCorona

Su Pòburu de Assisi

Palàtziu e domu

Chi in su saludu a càbudu de s’oratzioni santu Frantziscu arreconnoscit a maria comenti a mamma, Sennora, Reina e Vìrgini fata Crèsia, in sa sighida dda ponit in relata cun sa Trinidadi: tzerriada de su Babbu, cunsacrada cun su Fillu e cun su Spìridu Santu. Est punna de Frantziscu a tenni a Deus sèmpiri in s’ala prus funguda de sa fidi e de sa vida.

E chi nudda e nemus ndi depint pigai cussu logu a Deus, Maria Santissima est s’esempru prus mannu de cussa fidi. Duncas, is fueddus de s’oratzioni no funt sceti sa manera fitiana chi teniat de pregai, ma su chi ndi bessit de su coru de unu chi sciit de essi stimau de Deus e ddu stimat.

Deus innantis a totu e a totus. In su tempus de Frantziscu, pruschetotu in Frància, ma puru in Itàlia, si pigàt sa fèmina comenti a una chi nci podiat ghetai a s’inferru a s’òmini o ddu podiat artziai a celu (comenti a Beatrici po Danti). Su santu de Assisi si-ndi bogat de custa mentalidadi e biit in Maria sa fèmina chi s’est lassada fai manna de Deus po su chi at arrespustu a sa tzerriada sua: Tui ca ses cumpria in dònnia cosa de gràtzia e de beni. Est un’àtera manera de nai su chi s’arcàngelu Gabrieli iat nau a Maria in cuddu aposentu de Nazareth: Ses prena de dònnia gràtzia, su Sennori est cun tegus. In prus, forsis, a Frantziscu ddi torrànt a conca is fueddus de santu Pàulu po Gesus: In su corpus suu bivit totu sa plenitùdini de sa divinidadi (Col 2,9).

Comenti su Fillu est cumpriu de sa divinidadi, diaci etotu sa mamma candu ddu teniat me in is intrànnias e ddu faiat cresci. Po sighiri a laudai a sa mamma de Deus, imperat una filera de cobertàntzias in contu de su fraigai: palàtziu, tabernàculu, domu. Giai su Testamentu Bèciu e finas cussu Nou ant imperau cussas cobertàntzias po nai sa faina de Deus cun su pòpulu suu. Santu Pàulu iat scritu: Deu apu postu sèmini, Apollu at arrusciau, ma est Deus chi at fatu cresci e fraigau… Seis sa domu fraigada de Deus (1Cor 3,3.6).

Aciungit: Saludi, bestiri suu, tzeraca sua, mamma sua, no sceti pensendi chi est stètia su logu innui su Fillu de Deus s’est fatu òmini, ma a comenti est stètia bona a tenni in contu sa voluntadi de Deus e a dda fai cresci in su coru suu. Serrat: Saludi a totus is virtudis santas, chi po su Spìritu Santu, seis postas in coru de is fidelis, po ddus mudai de infidelis a fidelis a Deus.

MAC

E' questo il tempo giusto per abbonarsi a L'ARBORENSE

Il giornale direttamente a casa tutte le settimane.

Scopri come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...