- Dettagli
- Domenica, 03 Maggio 2026 11:08
- Scritto da Redazione
Su Pòburu de Assisi. Vìrgini fata Crèsia
Intra de is oratzionis chi funt abarradas in sa memòria de chini at postu apustis in scritu su chi naràt santu Frantziscu, ddoi funt is fueddus po sa Madonna. Custa làudi s’agatat in totus is còdixis antigus, fatu mancu de su 338 de Assisi, e duncas est po agiumai totus fraigada de su santu etotu. Cussa làudi no est s’ònori chi tocat sceti a Deus, ma tenit su significu de su cantu religiosu, de sa làudi chi tocat a donai a Nostra Sennora po ai ascurtau sa boxi de Deus.
Tommasu de Celanu scriit chi Fratziscu ingiriàt de amori chi no si podit mancu contai a sa Mamma de Gesùs, poita issa at donau a nosu, faendi-ddu fradi nostu, su Deus de sa glòria (FF 786). Duncas, po sa Madonna issu teniat stima manna e dda preniat de fueddus bellus cumentzendi de s’Ave Maria etotu. Difatis, su saludu a sa Biada Vìrgini Maria est sa manera de Fratziscu de nai s’Ave Maria segundu su coru suu. Comenti eus giai biu cun su Babbu nostu, su santu de Assisi parit amanniai s’oratzioni ufitziali (sa parti de duas no fiat ancora stètia scrita: Santa Maria, mamma de Deus…) cun àterus fueddus intèndius de s’ascurtu de sa Bìbbia e de su chi iant scritu is Babbus Mannus de sa Crèsia.
Cumentzat cun Ave, o Sennora, santa Reina, mamma santa de Deus, Maria… Aìnturu de Ave… Maria, àterus tìtulus po sa Madonna. Si biit luegus chi si torrat a arrepiti su fueddu santa. Forsis in arregordu de su cumandu scritu in su libru de su Levìticu: Siais santus comenti deu seu santu, arreconnoscit in Maria sa santidadi. De prus, ddi donat su tìtulu de Reina, no po dda fai aguali a is reinas de su tempus suu, ma po essi sa mamma de su Rei. Su chi in su 431 iat stabilèssiu su Concìliu de Èfesu, in contu de sa mamma de Deus, santu Fratziscu ddu ponit a càbudu de s’oratzioni. Pregat puru: Vìrgini fata Crèsia. Comenti su sinu de sa Madonna est stètiu su logu innui su Fillu de Deus s’est fatu òmini e est intrau in su mundu comenti a òmini, diaci sa Crèsia est su logu innui su Fillu de Deus si fait pani e si donat a is òminis.
Giai is Babbus Mannus de sa Crèsia teniant de nai in contu de sa relata tra Maria e sa Crèsia: Maria est parti de sa Crèsia, de sa comunidadi de cussus chi funt salvaus de Gesugristu. Duncas, est Maria chi si fait Crèsia e fait parti de sa Crèsia e no s’imbressi.
MAC sighit…
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.