• #L'Arborense
• #ArcidiocesidiOristano
• #inlimba
• #Sardo
• #Imprentas
• #MicheleAntonioCorona

Tecnologia. Candu s’Intelligèntzia Artificiali podit agiudai a mannus e piticus

Pipius, giòvunus e mannus seus sèmpiri prus avesus a castiai in su telefoneddu su chi si praxit e a ddu circai ingunis. Finas piciocheddus chi no imperant su telèfunu, chi depint circai su singificu de unu fueddu nou o depint scrucullai calincuna cosa de stòria o de matemàtica, su primu pensamentu est a ddu fai cun sa tecnologia. A pigai unu vocabulàriu no ddis passat mancu peri sa conca.

A nai totu sa beridadi, forsis, mancu nosu etotu chi seus mannus andaus a circai in su ditzionàriu, ma ddu scrieus in sa retza e bessit luegus. Duncas, no est curpa de is giòvunus o pipius, ma est una chistioni de lestresa e de comodidadi. Sa cosa chi si narant sèmpiri est a controllai de innui pigaus is informatzionis. Poita chi in su vocabulàriu ddoi at scritu genti cumpetenti e sceberada de chini dd’at imprentau, in sa retza podit scriri calichisiat cristianu, chi mancai no tenit cumpetèntzia peruna, ma si-nci ghetat etotu a si fai biri capatzu. Duncas, cosa meda si podit ligi e imparai, ma tocat a essi atentus innui s’agatat.

Giai me in is scolas elemetaris is maistas faint biri a is piciocheddus vìdeus de stòria, de scièntzia e de geografia. E su prus de is bortas cussus vìdeus funt fatus giai dexi o cuìndixi annus a oi. Narant is maistas: Mancai siant giai bècius (po sa retza cincu e dexi annus funt medas!), funt segurus e balint. Chi custu est berus, tocat a pensai e nai de comenti mudant is cosas, mudat sa mùsica e is stilis. Duncas, a bortas su chi si narat est giustu, ma comenti est nau no atirat prus e is piciocheddus, fillus de custu tempus de oi, no dd’ascurtant.

Scrucullendi in s’arretza, m’est acontèssiu de agatai unu giassu de Youtube innui apu biu unu muntoni mannu de vìdeus de dònnia matèria de scola fatus de s’Intelligèntzia Artificiali: wevius_junior_it. S’agatat sa stòria de is egitzianus, fenìcius, romanus, grecus, sa rivolutzioni frantzesa e americana, sa paristoria de Ròmolu e Remu e de medas figuras stòricas, finas a unu vìdeu in contu de sa tzivilidadi nuraxesa. In prus, ddoi funt medas stòrias de sa Bìbbia e finas paràbulas de Gesùs. No funt contadas, ma cantadas totus in rima.

Sa manera est cussa de sa mùsica ligera, cun punna agiumai a su rap fàtzili. Sa gràfica puru est bella meda e no parint mancu cartonis animaus, ma de cussus films de animatzioni chi si biint in su tzìnema. Finas po sa pastorali iant a essi de agiudu po fai praxi su chi s’est imparendi, mancai serbat apustis sa spiegatzioni e su andai prus a fundu.

*di Michele Antonio Corona

E' questo il tempo giusto per abbonarsi a L'ARBORENSE

Il giornale direttamente a casa tutte le settimane.

Scopri come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...