• #L'Arborense
• #ArcidiocesidiOristano
• #inlimba
• #Sardo
• #Imprentas
• #MicheleAntonioCorona

Fordongianus. Saboris, bellesas, arti e mùsica in sa bidda de s’àcua callenti

Sàbudu 11 e domìnigu 12 de abrili in Fordongianus ddoi ant cuncordau sa faina bella intitulada Forum, faendi sa rima a su nòmini de sa bidda etotu e circhendi de fai cumprendi sa punna de sa dii: ponni impari artis e genti. Duas diis de bellesa e de amostas in domus antigas e de spetàculus in pratza.

Una bidda antiga chi tenit meda de nai giai de is domus e de comenti funt fatas, de s’arti de sa pedra arrùbia, de su frùmini chi ddoi currit e de s’àcua callenti. De annus medas sa parti bàscia de su frùmini, innui ddoi funt is termas antigas, est prena de camper e de roulotte chi a totu annu si firmant e abarrant ingunis. Una cosa bella po sa bidda, po is termas, po su chi s’Amministratzioni est circhendi de pesai po sa genti chi ddoi bivit. Parit chi siat nova noa chi genti de sa Còrsica at comporau agiumai una dexina de domus antigas po ddoi fai domus de donai a pesoni a genti stràngia. Duncas, unu movimentu bellu de dinai e de afàrius po una biddixedda chi arriscat de si sbuidai e de sighiri a biri cartellus innui s’ùnica cosa scrita siat: Vendesi.

Ma Fordongianus est forti e s’est biu in custas diis: unu muntoni mannu de genti dd’at bisitada e s’est firmada in bidda po biri is bellesas. Innantis de totu sa crèsia, chi est una meravìllia de arti e de limpiori. Su trenixeddu birdi chi si firmàt innantis de sa crèsia teniat sa punna de fai partiri de ingunis a is turistas e finas sa genti meda de bidda chi at chèrfidu pagai una pariga de èurus po fai su giru de su frùmini finas a sa crèsia de santu Lussùrgiu. Unu giru chi at fatu a cumprendi sa bellesa de una bidda antiga e de importu po totus. In prus, medas domus antigas ant amostau prendas e abertu scusòrgius.

Su domìnigu a su merii no fiant prus medas is domus abertas po s’ora e po su tempus, ma bella meda est stètia cussa de Giuanni Àngius, chi at apicau prendas de is ajajus e de su babbu e sa mamma. Medas cosas bellas bidas finas in àterus logus, ma una bella meda e ùnica est stètia sa filera de certificatzionis de essi bagadius de unu tziu.

Su Guvernu de s’edadi fascista faiat pagai una tassa dònnia annu a chini no si cojàt. Cosas antigas chi si podint scaresci. In prus, sèmpiri ingunis eus pòtziu biri s’imposta de pagai po su cani tentu in domu. A ddu nai oi parit brulla, ma insaras fiat diaici. A s’ùrtimu, tocat a biri in domu de Giuanni sa bellesa de is mucadoris de Fordongianus, sa bellesa de is coloris e s’antigòriu de is fardetas. S’annu chi benit, totus a Fordongianus, cun sa spera chi siat ancora mellus.

* di Michele Antonio Corona

E' questo il tempo giusto per abbonarsi a L'ARBORENSE

Il giornale direttamente a casa tutte le settimane.

Scopri come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...