- Dettagli
- Domenica, 05 Aprile 2026 11:26
- Scritto da Redazione
Zeddiani. Unu machinàriu po papai sa plàstica fait sparanniai dinai po sa domu
Sa dii chi me in is comunus passat su giru po nd’arregolli s’àliga de plàstica, si cumprendit sèmpiri de prus cantu ndi seus ancoras produsendi dònnia cida e dònnia dii. Chi ddoi pensaus, po dònnia cosa ddoi est sa plàstica; in prus, tocat a tenni in contu cantu incuinat e cantu is Comunus depint pagai po cussu servìtziu fatu genna cun genna.
Mancai ddoi siat sa faina bella de passai in domu a nd’arritirai s’àliga, ddoi est ancora genti meda chi si spàssiat a nci-dda fuliai in su sartu e me in is coretas. Faendi diaci su logu est sèmpiri prus brutu e su chi depit spendi su Comunu po puliri s’ammànniat de prus. Contras a custa faina mala, giai de annus ddoi funt machinàrius chi arricint is ampuddas de plàstica e torrant dinai o puntus po calincuna faina de guadàngiu.
Su Comunu de Zeddiani at postu in fortzas unu machinàriu chi ddi narant Papaplàstica po cumentzai a provai a movi sa sensibilidadi de is chi bivint in bidda e chi pagant su chi si depit pagai po s’àliga de is domus. Chi si fait sa circa in su giassu de su Ministèriu de s’Ambienti, s’agatat chi funt stètius medas in totu Itàlia, giai de annus, a pediri cussu machinàriu, ma no sèmpiri s’est arrennèsciu a ndi fai guadàngiu.
Su Comunu de Zeddiani at pesau finas unu cuncursu po arranguitzai totus a arregolli sa plàstica de issus etotu e finas cussa chi si podit agatai scavulada in giru: su chi otenit prus puntus (unu po dònnia ampudda ghetada in cussa màchina) otenit una bicicreta, is àterus podint tenni scontu in contu de su chi ddoi est de pagai po s’àliga o trinta èurus de spendi in butega.
Eus a biri comenti at a andai e eus a pediri novas a is ufìtzius de su Comunu, ma giai s’initziativa est bella e fait pensai chi àterus Comunus dda podint fai sìmbili. In àteras tzitzadis – deu nd’apu biu in Casteddu e in Igrèsias – finas butegas mannas tenint cussu machiàriu in s’intrada e oferint scontus a chini betit sa plàstica. Spereus chi su chi at fatu Zeddiani siat comenti a strùmbulu po medas àteras biddas.
* di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.