- Dettagli
- Domenica, 29 Marzo 2026 11:38
- Scritto da Redazione
Inditos utilosos pro abbiatzare su sardu
Sa de duas Cummissiones de su Consìgiu regionale, chi tenet cumpetèntzias in contu de Traballu, Cultura e Formatzione professionale, at acabbadu is auditziones in contu de sa prima stèrrida de su Pranu de polìtica linguìstica 2025-2029 presentadu dae sa Giunta. In tretu de pagas dies, duncas, sa Cummissione at a espressare su pàrrere suo a s’Assessoradu de s’Istrutzione pùblica e de is Benes culturales, chi at a pòdere aici contivigiare s’istèrrida definitiva de s’aina de programmatzione chi at a ghiare is polìticas linguìsticas in Sardigna fintzas a su 2029.
In is auditziones ufitziales nd’at essidu a campu unos cantos inditos chi diant pòdere megiorare s’abbiatzamentu de sa limba sarda e de is àteras limbas de Sardigna (gadduresu, tataresu, catalanu e tabarchinu) cunforma a su chi s’est fatu fintzas a oe. Sa prima cosa est sa de favorèssere s’intrada de su sardu a iscola a tenore de su chi prevident s’art. 4 de sa Lege 482/1999 e su Cabu III de sa L.R. 22/2018. Is chistiones in ue diat tocare de intervènnere sunt prus che totu duas: sa formatzione de is maistros, chi si diat pòdere cuncordare cun s’agiudu de is universidades, e s’aprontamentu de ainas didàticas (libros e àteros materiales multimediales). Àtera cosa de importu est sa de pònnere cambas a sa retza de is isportellos linguìsticos previdida dae s’art. 11 de sa L.R. 22/2018, chi diat permìtere de dare sighidura a is polìticas linguìsticas in totu is provìntzias e tzitades metropolitanas de s’Ìsula, essende-nde dae su sistema de sa presentada de is progetos annu cun annu.
Àtera cosa chi in medas ant propostu est sa de ismanniare is domìnios de impreu de su sardu, est a nàrrere is logos e is ocasiones in ue si diat pòdere faeddare. Unu de custos est su sistema de sa Giustìtzia, cunsiderende chi is Sardos tenent su deretu de impreare sa limba issoro in cale si siat protzedimentu amministrativu, tzivile o penale, comente giai reconnotu dae sa lege e dae unas cantas sentèntzias de sa Consulta.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.