- Dettagli
- Domenica, 22 Marzo 2026 17:18
- Scritto da Redazione
S’Assòtziu Antìgone at pubricau su documentu in contu de is minoris in presoni
De prus de binti annus s’Assòtziu Antìgone pùbricat is nùmerus de is chi funt serraus in presoni, mannus e piticus. Sa punna de s’Assòtziu no est sceti a donai nùmerus o a fai sciri comenti istant is presoneris, ma finsas su chi est su tretu de recùperu po ddus fai torrai a intrai in sa sotziedadi, apustis de essi acabbau su tempus de su presoni. In s’ùrtima cida de friàrgiu s’Assòtziu at pubricau su chi pertocat is presonis po piciocus e piciocas prus piticus de dexeotu annus, chi si podit ligi in su giassu de Antìgone.
Is Istitutus funt spartzinaus in totu s’Itàlia (Airola in Campània, Bari, Bologna, Casteddu, Catània, Catanzaru, Firentze, L’Aquila, Lecce, Milanu, Nàpoli, Palermu, Pontrèmoli, Potentza, Roma, Torinu e Trevisu) e acasàgiant a 551 mascus e a 21 fèminas chi tenint tra is 14 e is 17 annus. Ddoi funt 242 chi no funt italianus e contant su 42 % de totus. 41 italianus e 24 de àteras natzionis funt aìnturu po violèntzia sessuali o po ai carcaxau a calincunu cun s’idea de ddi fai dolu. 14 italianus funt impresonaus po ai bociu a calincunu, duus funt de foras de Itàlia. In su 2022 is piciocheddus impresonaus fiant 318, ma cun su Decretu Caivanu – fatu apustis de cussa violèntzia fata po tempus meda a duas piciocheddas de una trupa de mascus giovaneddus acanta de Nàpoli – est prus fàtzili a impresonai a minorennis. In prus, in d-unu documentu de 42 pàginas, si narat chi su livellu de delincuèntzia de is piciocheddus in Itàlia est tra is prus bàscius de Europa: 363,4 minoris denuntziaus intra centumilla abitantis, sa metadi de sa mèdia europea. Invècias, funt sèmpiri de prus is piciocheddus impresonaus chi imperant mexinas po sa conca e benzodiazepine (110 % in prus in s’Istitutu Beccaria de Milanu).
In cussu de Castel de Màrmuri in Roma si contant 188 bortas in d-un’annu chi is piciocheddus ant fatu calincuna cosa po s’ingolli a manus insoru etotu e 17 bortas ant provau a si bociri. Funt nùmerus mannus chi torrant a nai cantu si sunfrit in presoni e comenti a bortas cussa esperièntzia non fait àteru chi fai cresci sa voluntadi de ndi bessiri e torrai a cumentzai. In custu caminu po arresuscitai de su mali, 308 funt faendi cursus po imparai a ligi e a scriri; 65 ant fatu cursus de su primu gradu e trinta de su gradu de duus.
Tres piciocus funt faendi cursus in s’Universidadi. A metadi de cussu documentu si podit ligi su chi in custus duus annus passaus is personis de s’Assòtziu ant biu in donniunu de cussu presonis e ddu scriint. A nosu si parit de importu torrai a scriri su chi ant biu in su presoni de Cuartùciu. Cussu Istitutu est in d-unu presoni pensau po acasagiai a personas mannas chi ant fatu cosas mannas. In su tempus de sa bìsita fiant noi piciocheddus mascus: 5 italianus e 4 de foras. Ses frecuentànt cursus de stùdiu: 3 imparendi a scriri e ligi e 3 unu cursu superiori.
Aìnturu ddoi funt duas salas po fai sport e in foras unu campu mannu po giogai a bòcia e finas unu prus piticu, po giogai a calcetu. Ma fait a giogai a tennis e a pallacanestru puru. In prus, in foras ddoi est unu logu bellu e friscu – in s’istadiali o in beranu – po biri a is parentis e a is chi andant a ddus bisitai. Sa biblioteca fiat serrada e no ddoi fiat idea de dd’arrangiai.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.