- Dettagli
- Domenica, 22 Marzo 2026 17:14
- Scritto da Redazione
Is fainas de Sa Sardigna cara a s’UNESCO
Su beranu, ocannu, cumentzat in su surcu de s’archeologia e de s’istòria gràtzias a is Resonadas nuraghesas cuncordadas dae s’assòtziu Sa Sardigna cara a s’UNESCO, cun s’agiudu de sa Regione Sarda e de sa Fundatzione de Sardigna. Sunt tres is apuntamentos in programma in Aristanis, in sa sala pro is cunferèntzias de s’Hospitalis Sancti Antoni.
Su primu addòbiu ddu faghent giòbia 19 de martzu, e est intituladu Is nuraghes intra de identidade, cultura e isvilupu. Pierpaolo Vargiu, presidente de s’assòtziu Sa Sardigna cara a s’UNESCO, e Raffaele Paci, professore de Economia in s’Universidade de Casteddu, ant a faeddare de is possibilidades de isfrutare sa sienda manna de monumentos chi tenimus in Sardigna e chi sunt sa testimonia de sa tzivilidade nuraghesa (nuraghes e biddigheddas nuraghesas, putzos sagrados, tumbas de gigantes e totu is trastos de sa cultura materiale, is figuras de brunzu, etc.) pro favorèssere su turismu, chi bolet nàrrere a criare postos de traballu e agiudare is istruturas de retzimentu (albergos, B&B, agriturismos, ristorantes, pitzerias). In s’artzidiòtzesi nostra nche tenimus unos cantos esempros bonos de comente si potzat fàghere crèschere s’economia avalorende is rastros de s’istòria: dae sas fainas bellas de sa Fundatzione Mont’’e Prama de Crabas, a su Nuraghe Losa de Abbasanta, dae su Museu e su putzu de Santa Cristina de Paulle a su Museu de s’istatuària preistòrica de Làconi, dae su Nuraghe de Barùmini a s’Antiquarium Arborensu de Aristanis, dae su Nuraghe Nolza de Meana a istruturas prus piticas comente a su Museu CIMA de Àllai o a su Museu de Santeru.
Is resonadas ant a sighire su 2 de abrile cun s’addòbiu intituladu Sa tzivilidade nuraghesa bida dae is antigos: Dèdalu e àteros contos, cun interventos de Gianfranco Cocco, Attilio Mastino e Raimondo Zucca. In fines, su 16 de abrile Antonello Sanna e Carla Del Vais ant a faeddare de Un’addòbiu intra de pòpulos: Nuraghesos e Fenìtzios in provìntzia de Aristanis.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.