- Dettagli
- Domenica, 15 Marzo 2026 15:12
- Scritto da Redazione
Ilartzi. Chimbanta annos contados in unu
Fiat su 3 de martzu de su 1976, cando sunt cumentzadas a manera ufitziale sas fainas de s’Assòtziu Onnigaza de Ilartzi, nàschidu dae un’idea de Lina Medde e Pepinu Marras, chi dd’ant pesada cun s’agiudu de sa famìllia issoro (Marinella, Marcello e Susi) e chi at postu paris unas cantas generatziones de ilartzesos.
Mesu sèculu giustu de istùdiu de su baddu, de sa bestimenta, de sos avesos e de sas costumàntzias de su connotu, de s’istòria, de sos logos fatu cun impignu, manigende sas ainas de sa chirca demo-etno-antropològica e traballende a manos de pare cun sas universidades de mesu Europa e cun istitutos comente a s’I.S.R.E. de Nùgoro.
Una faina chi s’est seberada no isceti pro sa calidade e sa seriedade de sas chircas, ma fintzas in sa carrera de s’amistade e de sa sotzializatzione, in bidda e foras de bidda, in Sardigna, in Itàlia e in Europa.
Làstima manna chi tziu Pepinu, mortu in s’acabbu de su 2025, no apat achipidu a lòmpere a custa tarea de su primu mesu sèculu de vida de s’assòtziu. Ma fintzas in memòria sua, sas pitzocas e sos pitzocos de su Grupu Onnigaza ant postu cambas a unu programma de fainas pro totu su 2026, intituladu Chimbanta annos contados in unu e partzidu in chimbe partes.
Acabbada sa prima chi fiat dedicada a su Carrasegare e in ue s’antropòlogu Marcello Marras at faeddadu de baddos e sonos de custu apuntamentu, movet como sa de duas in ue s’atentu at a èssere pro sas Festas. Pro chenàbura 13 de martzu est in programma un’iscola de baddu sardu pro pipios e pitzocheddos fintzas a 14 annos.
Sa die a pustis, imbetzes, s’at a pòdere pigare parte a una passigiada peri sas bias de sa bidda cun s’agiudu de sos ammentos de Tomaso Sanna, sìndigu betzu e espertu de istòria ilartzesa. Domìnigu 15, in s’Auditorium comunale, ddoe at a àere un’addòbiu dedicadu a Sa campana de su Tirsu, cun s’animatzione a incuru de su Grupu Onnigaza, e cun un’arresonada intitulada Mi leo sas novenas, contivigiada dae Marinella Marras, istudiosa de traditziones populares.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.