- Dettagli
- Venerdì, 13 Febbraio 2026 11:21
- Scritto da Redazione
Càncuru. Una faina de sensibilidadi manna po chini sunfrit
Arròscia de is pilus longus? E una fisioterapista de Aristanis, m’arrespundit: Ddus apu segaus a curtzu no po essi prus bella, ma po ddus donai a chini est faendi sa chemioterapia e ddus at pèrdius. Seu abarrau sena de fueddus. Su cuatru de friàrgiu fiat sa Dii mundiali contras de su Càncuru e funt stètias medas is fainas po sensibilizai a sa genti: atòbius, films, trasmissionis in televisioni, intervistas in s’arràdiu.
E no paga genti at fatu cosas cuncretas, comenti a cussa fisioterapista chi eus nau a su cumentzu. Difatis, una de is cosas chi si biit luegus, candu si cumentzat sa terapia contras a cussa bèstia mala, est chi si perdint is pilus. E si sciit chi po una fèmina – ma finas po is òminis – est una cosa chi tocat su coru, chi fait sunfriri e chi fait cumprendi a totus su chi s’est bivendi in cussu tempus de dolori.
Duncas, sèmpiri de prus funt nàscias butegas innui si podint comporai parucas po cuai e po si podit ancora biri comenti una si bolit. Po abarrai acanta a custa suferèntzia, no funt pagas is testimonias de amigas e parentis chi si-nd’ant segau is pilus in totu po no fai intendi sola sa personi chi sunfrit.
Opuru, ddoi est chini arregalat su dinai a calincunu assòtziu po agiudai a chini depit comporai – a caru prètziu – una paruca. Ddoi est finas a chini donat sa paruca sua o de calincunu de famìllia chi no ddi serbit prus: si sciàcuat beni, si disinfetat e si donat.
Ddoi funt àterus e, po su prus, àteras chi si lassant is pilus longus e apustis ddus segant e ddus donant po cussa faina. Unu gestu de bonucoru e de importu mannu. Sa Lilt de Aristanis, chi fait unu muntoni mannu de cosas po custa càusa, s’at donau s’informu chi si podit cuntatai s’assòtziu Imprassaus unu bisu po pediri informus in contu de comenti podi otenni o donai parucas.
Iat a essi bellu chi po cussa dii mundiali totus is parrucheris e maistus de pilu podessint fai su scontu e tundi gratis a chini bolit donai is pilus po custa faina bella.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.