- Dettagli
- Domenica, 08 Febbraio 2026 11:27
- Scritto da Redazione
Is avesos linguìsticos de is Italianos
Chida passada s’ISTAT at publicadu in sa pàgina istitutzionale sua sa relata in contu de S’impreu de sa limba italiana, de is dialetos e de is limbas stràngias, Annu 2024. Si est berus chi su report non pertocat su sardu, chi est una de is dòighi limbas reconnotas e amparadas dae s’Istadu a tenore de s’art. 6 de sa Costitutzione cun sa Lege 482/1999, est berus puru chi custu documentu nos agiudat a pensare a manera non dereta fintzas a s’istadu de salude de sa limba nostra, abetende de agiornare is datos de sa chirca sotziulinguìstica Is limbas de is Sardos fata in su 2006 dae sa Regione Sarda, a manos de pare cun is Universidades de Casteddu e de Tàtari.
Ite nde essit a pìgiu dae sa relata de s’Istat? Chi is Italianos impreant semper de prus sa limba italiana e semper prus pagu is dialetos. In agiomai baranta annos, in Itàlia s’impreu de su dialetu - a sa sola o pro su prus - est ismenguadu de prus de duas partes de tres, est a nàrrere dae su 32% in su 1988 a apenas su 9,6% in su 2024. In su 2024 agiomai una persona onni duas (su 48,4%) faeddat isceti o pro su prus in italianu in totu is situatziones de comunicatzione, in crèschida cunforma a su 40,6% de su 2015. Sete persones onni deghe (su 69,5%) decrarant de connòschere a su mancus una limba istràngia (9,4% puntos in prus cunforma a su 2015) e s’inglesu si cunfirmat sa limba istràngia prus isparta (su 58,6%), sighida dae su frantzesu (su 33,7%) e dae s’ispagnolu (su 16,9%). Ma sa beridade est chi is livellos de connoschèntzia de is limbas istràngias abarrant, comente si siat, bassos meda: prus de sa metade de sa populatzione (su 56,2%) decrarat unu livellu apenas sufitziente de sa limba istràngia chi connoschet mègius. Si custa est sa punna pro is dialetos de Itàlia, cale at a èssere s’istadu de salude de sa limba sarda?
Àteros informos prus a fine s’agatant in s’indiritzu www.istat.it/comunicato-stampa/luso-della-lingua-italiana-dei-dialetti-e-delle-lingue-straniere-anno-2024/
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' questo il tempo giusto per abbonarsi a L'ARBORENSE
Il giornale direttamente a casa tutte le settimane.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.