- Dettagli
- Domenica, 30 Novembre 2025 10:48
- Scritto da Redazione
Bòsnia. Su scrucullu de sa Procura de Milanu in contu de is cassadoris de òminis
Candu s’intendit tzertas cosas, s’intrat in corpus unu disisperu chi no si lassat castiai a su tempus benidori cun ogus crarus. Calincunu mesi a oi su giornalista Ezio Gavazzeni nci at portau a sa Procura de Milanu unu muntoni mannu de paperis innui denùtziat su chi at scobertu in sa circa chi at fatu.
Is abogaus narant chi si sciit pagu meda de cussu chi ddoi est scritu in cussus paperis, poita sa Procura at tentu incuru mannu de fai bessiri pagu e nudda. Ma de ita si fueddat? S’imputu est chi intra de su 1992 e su 1996, in Bòsnia, candu ddoi fiat sa gherra, ddoi arribàt a cussas tzitadis òminis chi pagànt unu muntoni mannu de dinai po si cuai in mesu de is sordaus e sparai a pipius, fèminas, òminis e bècius po spàssiu, comenti a cassadoris de sirbonis in cassa manna.
Arribànt de Trieste, forsis acumpangiaus de sordaus, cun fusilis e àteras armas po sparai a manera pretzisa e si poniant in logus artus, asusu de palàtzius o in punta de logus cun fentanas mannas e abetànt chi passessit genti po sparai. Totu custu a sa cua de totu e de totus e cuendi-sì comenti chi fessint sordaus in gherra. E custa cosa si naràt giai de annus meda, ma totu est stètiu lassau sena de fai tropu burdellu finas a su 2022, candu su regista slovenu Miran Zupanic at postu in pei su documentàriu Sarajevo Safari.
Sceti su nòmini fait tremi, poita fait a cumprendi s’ispreu chi si podit tenni contras de s’umanidadi. Ddu seus biendi in custu tempus de gherra in Gaza e in Ucraina, po no nai in medas àterus logus de su mundu, ma pensai chi genti tzivili, prena de dinai, potzat comporai su billetu po andai a sparai a genti comenti chi fessit in cassa manna, est meda peus de unu bisu malu. In cussus annus sa gherra at mortu a prus de undiximilla personis e nd’at fertu 50 milla. E de custus turistas de fusili parit chi ndi-ddoi fessint medas de totu su mundu, prus de centu sceti italianus.
Partiant, segundu su chi si narat, su cenàbura de s’Itàlia, arribaiant a su noti in Bòsnia. A su mangianu de su sàbudu ddus acumpangiànt in cussus logus artus e sparànt po totus sa dii. A su domìnigu, torrant a domu. Una cosa de no crei. Intra de is testimonias chi ant fatu cumentzai sa circa, ddoi est cussa de duus giovànus piciocus, chi fiant camminendi a cua a cua cun su fillixeddu de pagu mesis in sa carrotzina po su pipiu.
Camminendi a lestru ant intèndiu unu sparu chi at bociu a su pipiu e is sparus si funt firmaus. A issus no ddus ant sparaus. Cosa stravanada po unu sordau!
Abeteus s’indàgini, ma in s’interis pensaus a ita si podit arribai candu mancat s’umanidadi, candu s’àteru est sceti ogetu de s’arrennegu chi si tenit aintru cun fueddus, crastulìminis o corpus de fusili.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
Sta per partire la nuova campagna abbonamenti de L'ARBORENSE per il 2026!
A soli 30 euro 45 numeri che arrivano direttamente a casa.
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.