- Dettagli
- Domenica, 23 Novembre 2025 11:21
- Scritto da Redazione
Professori Luca Pisano at amostau su perìgulu de s’arretza po pipius e mannus
Professori Luca Pisano est nodiu in Sardìnnia e in Continenti po su traballu chi fait contras de sa prepotèntzia chi tenint e patint is piciocheddus: il bullismo. De annus meda batallat contras a totu su chi pertocat custu tema e su chi acontessit a pipius e giovuneddus in sa vida de dònnia dii e finas su chi acontessit in s’arretza.
Sèmpiri de prus intendeus in sa televisioni chi medas piciocheddus funt acapiaus a s’arretza po ora medas a sa dii e ingunis agatant dònnia cosa de bellu e de malu. Issu, cun is collaboradoris chi tenit, stùdiat su chi girat in s’arretza e fait sciri su chi si podit e depit castiai e su chi est matèria de perìgulu. Professori Pisano est nodiu in s’Universidadi de Casteddu e de Roma, traballat po contu de su Tribunali de Casteddu e de Tìvoli e ghiat s’Istitutu de Formatzioni Sardu in contu de sa criminologia e de su chi si fait de malu in s’arretza.
Me in is duas cenàburas passadas (su seti e su catòdixi de donniassantu) e in sa cenàbura chi depit arribai at fatu un’atòbiu in Siamanna po is piciocheddus chi faint scola e po is babbus e is mammas, po chistionai de custu tema. De annus is piciocheddus de Siamanna e Siapicia faint scola impari de s’asilu finas a sa scola mèdia. De custu cabudanni passau si funt aciuntus finas is piciocheddus de Biddobrana. Poita is sìndigus ant agatau s’acòrdiu de fai po totus is scolas elementaris in Biddobrana e is mèdias in Siapicia.
In Siamanna est abarrau s’asilu de is mòngias salesianas. Custa faina, bella meda finas po cumbati is nùmerus piticus de piciocheddus, tenit bisòngiu de unu traballu de acàpiu e de bonas arrelatas. Po custu motivu s’invitu a professori Pisano po agiudai a babbus e a mammas e finas a is piciocheddus etotu a no arrui in arrelatas de prepotèntzia o de indiferèntzia.
In su primu atòbiu at chèrfidu presentis cun is piciocheddus finas a is babbus e is mammas po chistionai impari e cumprendi chi su chi podit acontessi in d-una tzitadi, podit acontessi finas in d-una bidda pitica. At nau: No si podit pensai chi una bidda siat prus segura de una tzitadi, poita cun telefoneddus o cun s’atòbiu de piciocheddus prus mannus si podit connosci su chi no est bellu. Deu po primu no podia crei a su chi iat nau. Duncas at cumentzau a pregontai a is piciocheddus (totus de otu annus) a chini connosciant de youtuber o cali vìdeus bidiant in s’arretza.
E, cun spantu mannu de is genitoris, is piciocheddus connoscint, intendint e biint cosas chi mancu babbus e mammas sciint. Comenti faint? Professori Pisano at arregordau a totus ca is piciocheddus funt abistus in cussas cosas e nci arrennescint luegus a fai su chi po nosu no est naturali.
Duncas, tocat a abarrai atentus a serrai su telèfunu cun crais de nùmerus (password) o ponni sèmpiri su controllu a su chi is piciocheddus podint biri. At pregontau finas cali mùsica ascurtant. A nosu mannus parit cosa bona a fai intendi mùsica de cantantis o de cussa chi s’intendit in s’arràdiu dònnia momentu.
Issu at nau ca no! Innantis de totu po is fueddus chi si narant e in prus po su ritmu, chi trumbullat. A s’acabbu at arregordau a totus: A otu annus funt piciocheddus! Sa cosa prus mala est a ddus pigai po mannus. Mancai nci arrennesciant a fai cosas medas, funt piciocheddus!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.