- Dettagli
- Domenica, 16 Novembre 2025 10:05
- Scritto da Redazione
Librus. Professori Fabrìtziu Demelas at scritu un’Introduida a sa Scritura Sagrada
In sa Facultadi Teològica de Casteddu is professoris, in prus de fai letzioni e cursus, scriint artìculus e librus, pesant cunferèntzias e intervenint in cunvènnius e atòbius. Su 13 de ladàmini est cumentzau cun ufitzialidadi s’Annu de stùdiu e de circa po professoris e scientis de cussa Facultadi, chi tenit predixeddus de is diòtzesis de Sardìnnia e finas unu nùmeru mannu de làicus chi faint cussu caminu de stùdiu, po sa passioni de connosci mellus e finas po traballai comenti a maistus e professoris de religioni in sa Scola.
In prus, sa Facultadi ghiat àterus duus Istitutus, in Casteddu e in Tàtari-Tèmpiu, chi acollint a studentis chi no podint andai a cussa Facultadi. Difatis, is cursus de Teologia si faint su prus a su mangianu o in su meigama chitzi. Duncas, a chini traballat o tenit impinnus de famìllia ddi resurtat dificultosu a ddoi pigai parti. Unu nùmeru mannu de òminis e fèminas, de babbus e mammas, de genti chi tenit giai àteru traballu, partètzipat a is cursus de cussus duus Istitutus, chi funt sèmpiri a merii.
Meda professoris de sa Facultadi faint scola finas in cussus duus Istitutus. Duncas, su chi scriint e stùdiant serbit a totus is scientis. Calincuna cida a oi eus presentau su libru de professori Vinci in contu de sa memòria. Oi, si parit cosa bella a si fai sciri chi professori Fabrìtziu Demelas at torrau a ponni in forma una presentada de sa Bìbbia, po introdusi a totus is chi dda ligint a su mundu de sa Scritura Sagrada.
Apustis de is stùdius in Svìtzera e apustis de ai otentu su titùlu de dotori in Teologia Bìblica in cussa Facultadi, at fatu cursus in contu de su Testamentu Nou in Luganu. Po una vida intera s’est campau cun su traballu suu comenti a segretàriu comunali in biddas meda de sa provìntzia de Casteddu, sena de mai lassai su stùdiu e sa circa bìblica. Andau in pensioni, cun sabidoria manna de is pìscamus e de su diretori dd’ant tzerriau a essi professori in s’Istitutu de Casteddu e in sa Facultadi po su cursu de Introduida a sa Bìbbia e de su Testamentu Nou.
De cussus cursus nascit custu libru, cun su tìtulu Sa Bìbbia: de su papilu a su tablet. Introduida a sa Scritura Sagrada. Giai su tìtulu, chi mèntuat sa manera prus antiga de scriri e sa manera noa de ligi, si narat sa bellesa du custas 327 pàginas de presentada. Sa Bìbbia no nascit oi ni ariseru, ma est unu libru scritu in milli annus: de su tremilla innantis de Cristus a su sèculu apustis de sa nàscida de su Messia. Duncas, po ddu studiai e po ddu cumprendi, tocat a sciri ita est acontèssiu in sa stòria de cussu pòpulu e de is pòpulus acanta. Tocat a sciri comenti si scriiat in cussus tempus.
Iat a essi cosa bona a connosci calincuna de is lìnguas chi funt stètias imperadas po dda scriri e tradusi. In prus, iat a essi bellu a ligi su chi sa Crèsia e is Crèsias cristianas ant nau in duamilla annus in contu de cussa biblioteca manna. Chini ligit s’Intoduida podit agatai arrespusta a custas pregontas e a su disìgiu de ndi sciri de prus.
In ùrtimu, sa domu de imprenta chi dd’at fatu bessiri, est faendi una faina bella: permitit a professoris e studiosus de fai a connosci a totus su chi scriint, in d-unu tempus innui mancu is Universidadis tenint prus dinai po fai bessiri stùdius e circas de is pofessoris insoru.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.