- Dettagli
- Domenica, 16 Novembre 2025 09:59
- Scritto da Redazione
Ìsili. Presentadu Su contu de Gesù-Cristu
Su Tzentru sotziale Don Sanna de Ìsili, chida passada, at acasagiadu sa presentada de Su contu de Gesù-Cristu. Su Vangèliu de Marcu in sardu, una faina de tradutzione cuncordada dae sa Fundatzione Sardinia, cun s’agiudu de sa Regione Autònoma de Sardigna e de sa Facultade Pontifìtzia Teològica de Sardigna.
Una faina de primore chi at postu paris un’iscuadra de intelletuales espertos in tradutologia comente a predi Antoni Pinna, maistru Antiogu Ghiani, muns. Pàulu Ghiani, prof. Màriu Puddu e prof. Lutzianu Carta. Una tradutzione chi ponet paris cumpetèntzias diferentes, linguìsticas, antopològicas e filològicas, esegèticas e teològicas, chi andat in su surcu de is protocollos sighidos dae is Crèsias e aprovados fintzas dae sa Cunferèntzia Episcopali Italiana; unu traballu chi faghet andare a in antis s’aprontamentu de is iscritos litùrgicos pro pòdere, in fines, pigare parte in Sardigna a sa Missa Santa fata in sardu.
Ca, comente narat sa Cummissione Bìblica Pontifìtzia, pro ispàrghere bene is inditos de vida, is imparòngios e sa sabidoria de sa Bìbbia, serbit chi ddoe siat un’inculturatzione a tenore de s’ispìritu de onni pòpulu.
Ma pro ite lèghere e ascurtare su Vangèliu de Marcu oe, in custu tempus in ue is valores sintzillos de s’umanidade sunt in suferèntzia pro more de s’interessu pro su guadàngiu e de is gherras? Unu libru chi, in s’ispera de is espertos chi dd’ant contivigiadu, bolet èssere unu paru de bùssola chi acumpanget a is leghidores in sa vida issoro de ònnia die.
E, pro non si-nde ismentigare de s’importu de su faeddu, prus che totu in una cultura comente a cussa sarda, is autores regordant su dìciu Fune ligat boe e paràula ligat òmine.
A sa presentada de Ìsili, ghiada dae Lalla Serra, ddoe ant pigadu parte is tradusidores e muns. Roberto Caria, Vicàriu generale de s’Artzi-pìscamu, e vitze-presidente de UniKoiné, su tzentru universitàriu nou de s’Iscola Superiore pro Mediadores Linguìsticos Santu Domìnigu de Roma, chi at abertu in Aristanis cun su cursu triennale in Scièntzias de sa mediatzione linguìstica.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.