- Dettagli
- Domenica, 26 Ottobre 2025 10:21
- Scritto da Redazione
Un’àtera mustra bella in su MAMA de Atzara
Su Museu de Arte Moderna e Cuntemporànea de Atzara (MAMA) Antonio Ortiz Echagüe at cuncordadu un’àtera de is prendas suas. Difatis, in ocasione de is 100 annos de s’arribu a sa bidda de Mandrolisai de Filippo Figari e de is primos 25 annos dae sa nàschida de su Museu, s’àtera chida at abertu sa mustra Atzara. Su tempus de Figari 1925-1935. Una mustra de primore culturale e istòricu dedicada a unu protagonista de s’arte sarda de su Noighentos, Filippo Figari (1885-1973), chi at dadu un’identidade visiva forte a sa Sardigna de su tempus suo. S’istile suo ponet paris su realismu cun frorìgios simbòlicos, influentzadu in custu dae s’Art Nouveau e dae su Simbolismu, ma cun raighinas fungudas in su connotu de sa pintura de s’Ìsula nostra. Figari aiat castiadu sa Sardigna cun una mirada particulare, pintende acontèssidos de sa vida de onni die, sa manera de bestire, sa cultura materiale, rituales antigos, paesàgios, cun colores allutos e biatzos. Cun s’arte sua, Figari no aiat isceti documentadu sa Sardigna, ma dd’aiat idealizada, furriende-dda a unu sìmbolu de resistèntzia culturale e de identidade a cumone.
Sa mustra, resurtadu de unu traballu de chirca e de sèberu contivigiadu cun sètiu iscientìficu dae Cinzia Littera e Barbara Cadeddu de sa cooperativa Progetto Cultura, contat de custos deghe annos de acàpios a istrintu de s’artista cun Atzara, rugheri culturale chi dd’at frunidu ideas meda. Una faina de avaloramentu e connoschèntzia de is òperas de su pintore chi s’est pòdida fàghere fintzas gràtzias a s’agiudu de Renato Figari, nebode de s’artista.
Sa mustra est partzida in unas cantas setziones a tema: si ddoe podent bìere is retratos ispantosos de is fèminas atzaresas e cussos de is frades de s’artista, is paesàgios e is naturas mortas, is botzetos de is òperas e is istùdios chi acumpangiaiant Figari in su faghimentu de is òperas, sa setzione dedicada a is aratzos, a is càssias a is tapissos e a is cadiras progetadas dae s’artista.
Sa mustra, finantziada dae su Comune de Atzara, s’at a pòdere bisitare fintzas a su 26 de nadale. Pàgina Web: www.museoatzara.com
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.