- Dettagli
- Domenica, 02 Novembre 2025 10:17
- Scritto da Redazione
In Aristanis. Su 9 de donniassantu su Giubileu de is Coralis
Est arribendi finas sa dii po sa festa de Giubileu de totus cussus chi cantant e sonant me in is crèsias e chi serbint sa liturgia cun su cantu. Funt medas is chi formant is coralis e is coralis parrochialis. Unu servìtziu mannu, poita no pigat sceti su tempus e s’impinnu de s’ora de sa Missa, ma ddoi bolit tempus po ascurtai is cantus in domu, detzidi is chi funt prus giustus de fai in crèsia, mandai is partis registradas, candu si faint cantus a prus boxis, agatai unu merii chi andit beni po totus e provai.
E me in is provas a bortas su cantu s’imparat luegus, àteras bortas ddoi bolint diis e diis. E totu custu no po fai unu spetàculu, ma po pregai e po agiudai a pregai in sa Missa o in is àterus momentus chi si detzidint me in is parròchias. Candu su cantu est curau, fatu in gràtzia de Deus e cun amori, totus podint pregai mellus.
Candu, invècias, est fatu sena de cura, cianciarra-cianciarra, a tzèrrius o cun d-unu innantis e s’àtera agoa, no est de agiudu mannu. Duncas, s’Ufìtziu litùrgicu de sa Diòtzesi nosta at pensau una dii intera, domìnigu 9 de donniassantu, po arriciri in Catedrali a totus is chi sonant e cantant. A is dexi, totus in sa crèsia de santu Giuanni in sa zona de santu Nigola e de ingunis s’at andai totus a pei a Catedrali.
At a essi bellu a intendi, de seguru, comenti totus impari, ma finas dònnia corali, ant a caminai cantendi, sonendi e preghendi. A is ùndixi e mesu, professora Elena Massimi, at agiudai totus a cumprendi mellus ita bolit nai a cantai in sa Missa e comenti bivi custa bella e arta vocatzioni. Mòngia salesiana, est professora de Liturgia in s’Universidadi romana de is Salesianus e in cussa de Liturgia de Pàdua.
Diplomada in pianoforti e imoi presidenti de is professoris italianus de liturgia, est boxi de importu po fueddai de custu tema. In su meigama, apustis de su pràngiu e de unu momentu de pàsiu, ddoi ant essi provas in Catedrali e sa missa cun su pìscamu de Aristanis, muns.ri Robertu Carboni. Mellus a ddoi essi totus!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di toni Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.