- Dettagli
- Domenica, 19 Ottobre 2025 11:07
- Scritto da Redazione
Sabarussa. Pro avalorare sa reina garnatza
Cun unu programma ricu de addòbios de archeologia, istòria, isport, mùsica e enogastronomia, Sabarussa at afestadu ocannu puru unu de is produsimentos de primore chi tenet: sa garnatza. Dd’at fatu sàbadu e domìnigu passados, in una coa de chida piessignada dae unu sole agiomai de istadiale.
Garnatza e connotu fiat su tìtulu seberadu ocannu pro sa manifestatzione cuncordada dae su Comune de Sabarussa, cun s’agiudu de su Distretu rurale Giuigadu de Arbaree, de sa Regione Sarda, de sa Fundatzione de Sardigna e de s’Assòtziu de is Entes locales pro is Fainas culturales e de ispetàculu, a prus de totu is assòtzios e comitados sabarussesos, cumentzende dae sa Pro Loco.
Intra de is àteras cosas, ddoe at istadu fintzas una mesa tunda intitulada Sa garnatza intra de connotu e modernidade, a ue ddoe ant pigadu parte is espertos Roberto Puggioni, enòlogu de sa Cantina de su Remèdiu, Enrico Marceddu, agrònomu e co-autore cun Mario Tendas de su libru Garnatza. S’oro de sa Badde de su Tirsu, e s’on.le Salvatore Cau, consigieri regionale e imprendidore de su setore vitivinìculu.
A pustis de is saludos de su sìndigu Mario Tendas, Pierpaolo Erbì, presidente de su Distretu rurale Giuigadu de Arbaree at regordadu s’impignu pro s’avaloramentu de is produsimentos de su territòriu, una manera pro favorèssere su turismu, prus che totu cussu lentu, in ue is bisitadores non bolent apretziare isceti su mare o is bellesas de su paesàgiu, ma fintzas connòschere sa cultura e is mandiares de is logos in ue nche passant is vacàntzias.
Roberto Puggioni at presentadu is fainas de su Cunsòrtziu pro s’Amparu de sa Garnatza de Aristanis, chi dae su 2022 ponet paris unas cantas cantinas impignadas in s’avaloramentu de custa genia de àghina e de binu, regordende su bisòngiu de assentare su disciplinare de produsimentu, chi tenet prus de 50 annos, a is preferèntzias de su mercadu de dies de oe.
Salvatore Cau at sutaliniadu su bisòngiu chi sa Regione aprovet una filera de leges chi potzant favoressere e amparare is produsimentos de primore de s’enogastronomia sarda, comente a sa garnatza.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.