- Dettagli
- Domenica, 12 Ottobre 2025 11:03
- Scritto da Redazione
Cummèrtziu. A ita serbint cussus ses o seti scontrinus de paperi chi si donant cun sa spesa?
Seus totus atentus e avesus a no fai àliga e a no produsi àliga prus de cussu chi depeus. Andaus a comporai calincuna cosa e s’agataus po unu cantu de petza: paperi, pràstica e liàuna. S’àliga crescit dònnia dii e po dònnia cosa chi comporaus. Duncas, ddoi funt cosas de papai o de comporai chi ti narant a ddas comporai chi funt imboddicadas cun materialis ecològicus, chi spàciant a solus sena de fai brutori malu, chi si podint furriai in àteru beni po sa terra e po nosu.
Medas de nosu sighint cussus billetus birdis chi narant ca una cosa fait beni prus de un àtera. E si parit cosa bona a sighiri custa idea de fai beni a su Criau. Ma in sa pròpia butega manna o in d-unu de is mercaus serraus (tzentrus de cummèrtziu) chi faint pubricidadi a custa furriada ecològica, candu andas a pagai ti donant unu muntoni mannu de paperi in scontrinus. Unu chi ti narat ita as spèndiu e ita as pagau, unu po ti nai cantu puntus tenis in sa tèssera, unu po su scontu asusu de is sabonis, unu po ti nai ca in su mesi chi intrat as a tenni scontu chi fais spesa de cincuanta èurus, unu po ti nai ca tenis su binti po centu de scontu asusu de is librus po fillus tuus, unu po is froris in su mesi de Donniasantu.
E chi no ses lestru ponendi s’arroba chi as comporau me in is sachitas, ti-ndi acatas chi sa feminedda bècia apustis de tui, a prus de su scontrinu de sa spesa, tenit scontus asusu de su màndigu de pisitus e canis, un’àteru scontu po frigatzionis e mexinas contras de is doloris, po dadu e minestra.
E ti ponis sa pregonta: e comenti mai a issa cussus scontus e a mei àterus? Innantis de totu su motivu est cussa tèssera chi ti pregontant de passai dònnia borta: cussa ti stùdiat! A tui ti parit chi serbit po scontus e puntus, ma – in beridadi – cussa stùdiat su chi còmporas, su chi ti praxit, su chi pigas spendendi de prus.
Duncas, dònnia scontu no est ghetau apari, ma est po ti cassai a latzu. Spendis meda in botuleddus? In cussu at a essi su scontu mannu. Spendis finas in giocàtulus: as a tenni calincunu scontu in cussu. Tenis duus fillus? As a tenni sa possibilidadi de spendi prus pagu in cussu chi serbit a is piciocheddus.
Chi ddoi at genti chi est pensendi Ta genti brava, chi est pensendi a is bisòngius de domu mia, si faddit! Funt pensendi a comenti guadangiai issus de buciaca nosta. In prus, candu ti donant totu cussus billetus, ti parit cosa normali. Si narant totus de no fai paperi e issus si donant ses o seti scontrinus? No faiant mellus a carrigai totu in sa tèssera e candu dda passaus si biiat?
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.