- Dettagli
- Domenica, 14 Gennaio 2024 10:23
- Scritto da Redazione
Cun su primu nùmeru torrat sa pàgina in sardu
Annu nou, pàgina in sardu noa. Su giornale nostru, difatis, forte de is messàgios de agradessimentu chi leghidores meda nos aiant mandadu in su 2022, cando ònnia chida essiat una pàgina intrea iscrita in limba sarda, ocannu torrat a fàghere cussa esperièntzia editoriale.
E ddu faghet siat pro favorèssere s’alfabetizatzione de nois sardos in sa lìmba istòricu-identitària nostra, siat – unu pagheddu – pro regordare una cosa chi fatu-fatu bolet regordada e abbiatzada: est a nàrrere chi in sardu podimus faeddare de cale si siat cosa, de cale si siat chistione, de cale si siat acontèssidu de Sardigna e de su mundu.
Custu est normale, diat dèpere èssere normale, sena de bisòngiu de ddu sutaliniare. Ma sa beridade est chi semus semper prus pagu avesos a ddu fàghere. Pro ite? Pro sa pagu istima chi tenimus de sa limba nostra, chi polìticas linguìsticas tzentralìsticas nos ant fatu crèere – a bellu a bellu – chi esseret bella eja, ma pro contare cosas de su tempus passadu, de su connotu, e non pro bìvere sa cuntemporaneidade, pro gosare de sa modernidade e pro castiare a su benidore; chi esseret bella pro faeddare cun is chi sunt intrados in edade, cun is betzos, e non cun is pipios e cun is giòvanos.
Est pro cussu chi, a dolu mannu, s’imparu de su sardu in famìllia – dae mama/babbu a fìgiu – in biddas meda de Sardigna amegat de si firmare, comente nos narant is ùrtimas chircas sotziulinguìsticas. E non faeddemus de is tzitades comente a Aristanis! Agiudada fintzas dae sa Regione Autònoma de Sardigna, chi pro ocannu puru at bogadu su bandu IMPRENTAS pro favorèssere s’impreu de su sardu in is òrganos de informu, sa Redatzione nostra nd’at bòfidu aprofitare pro bos sighire a contare in sardu acontèssidos e cosas de s’Artzidiòtzesi nostra, de sa Sardigna e de su mundu.
Inghitzat, duncas, custu caminu nou. Pro s’iscritura, comente inditadu dae sa Regione etotu, amus a impreare su Repertòriu grafemàticu isperimentale pro sa tzertificatzione de sa limba sarda adotadu cun Deliberatzione de sa Giunta regionale n. 18/13 de su 10.06.2022 (s’agatat in s’indiritzu https://delibere.regione.sardegna.it/protected/60282/0/def/ref/DBR60064/).
Bonu biàgiu e bonu sardu a totus!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.