- Dettagli
- Domenica, 11 Febbraio 2024 10:11
- Scritto da Redazione
A Maimone. Is sinnos fortes de s’identidade
Ocannu puru is màscheras de su carrasegare samugheesu ant ispantadu a su frùmene de gente chi, domìnigu passadu, nche at passadu sa die in sa bidda de Mandrolisai pro si gosare A Maimone, sa manifestatzione lòmpida a sa de 27 editziones, cuncordada dae s’assòtziu culturale Is Mamutzones de Samugheo.
Presentes, comente a sèmpere, is màscheras de su connotu de àteras biddas de Sardigna e fintzas tres cambaradas istràngias: de sa Croàtzia, de s’Ispagna e de s’Ungheria. Ma no est istada una die de festa isceti, pro ite ca is organizadores ant chèrfidu cuncordare fintzas unu momentu de meledu in contu de s’identidade culturale sarda, faeddende de sa ritualidade de su carrasegare in Sardigna e de limba.
Domìnigu a mangianu, in sa sala de is cunferèntzias de su M.U.R.A.T.S., a pustis de is saludos de su sìndigu Basilio Patta, de sa diretora noa de su Museu Anna Rita Punzo e de s’assessora de sa Cultura e de is Benes archeològicos Elisabetta Sanna, est tocadu a Franciscu Sedda, professore in s’Universidade de Casteddu, e a Simone Pisano, professore in s’Universidade pro Istràngios de Siena, a fungudare is chistiones iscientìficas, cun sa presentada e su coordinamentu de Lucia Cossu.
Franciscu Sedda at isboligadu una relata in contu de su tema Dae animale a divinidade: su corpus in su sistema rituale de su carrasegare sardu, regordende comente su carrasegare fatzat parte de su sistema sardu de is festas, piessignadas semper dae su baddu, su baddu tundu.
Su sistema rituale sardu est fatu dae cosas chi espressant valores, significos fungudos chi nde iscòviant s’unidade e nos narant pro ite cussa sarda est una cultura pro contu suo, sa cultura nostra, at naradu professore Sedda, osservende comente sa ponidura de su corpus in su bìvere sa festa - istantàrgiu o corcadu - siat càrriga de significadu.
Simone Pisano, imbetzes, at faeddadu de Logos e patrimònios linguìsticos: sa limba comente a aina cumpartzida de identidade, ammentende chi su sardu est una limba (e no unu dialetu!) e sutalineende s’importu de faeddare in sardu in cale si siat logu e situatzione de comunicatzione.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.