- Dettagli
- Domenica, 31 Marzo 2024 09:42
- Scritto da Redazione
Antares, un’iscultura càrriga de significos
Tres cumpàngios de iscola de s’Istitutu de Arte de Aristanis, a pustis de annos meda, si torrant a addobiare e ite faghent? S’imbentant a Antares. Federico Meli Giongo, Lussorio Sini e Gabriele Mura cumpartzint sa passione manna chi tenent pro s’arte e donant vida a su progetu de un’iscultura, arta 2 metros e 40 tzentìmetros, chi pigat forma dae unu truncu mannu de castàngia segadu in is montes de Dèsulu, chi is aneddos de crèschida chi presentaiat nd’ant iscoviadu s’edade: 95 annos.
Una maladia mala, connota comente a su male de sa tinta, at sicadu sa mata, chi nde-dd’at segada e costoida in monte etotu Libero Todde. Pro ddi dare forma e vida noa, ddoe sunt chèrfidas unas 1.800 oras de traballu de is tres artistas (600 peròmine), fatas in un’annu e mesu.
Oe Antares est un’iscultura mannosa e maestosa, su dda bìere est un’ispantu a berus, apicada a una filera de filos (sos filos de sa vida) chi faghent parte de unu telàrgiu istantàrgiu. E, inoghe, comintzat a nde essire a pìgiu su ligàmene cun s’artesania artìstica de is fèminas de Samugheo chi espressant cun su tessìngiu.
Ma Antares tenet unu muntone mannu de significos, est un’iscultura chi ti faghet pensare deretu a chentu cosas: dae sa mitologia grega de is Mòiras, chi tessent su filu de sa sorte de is òmines, a sa morte, dae ue però naschet sa vida. Eja, pro ite ca Antares rapresentat fintzas a una fèmina prìngia, cun una criadura in is intrànnias suas.
S’iscultura dd’ant presentada sàbadu passadu, 23 de martzu, in Samugheo, in su laboratòriu Sa terra de sa linna. Un’iscultura in ue si-nde podent piscare is rastros de grandos artistas sardos comente a Francesco Ciusa, Maria Lai, Pinuccio Sciola.
Sa faina naschet dae sa chirca chi is tres autores faghent de is sinnos de s’identidade culturale sarda e si sèberat pro unu tràgiu originale, in una fùndida ispantosa intra de sa manera de traballare e dare forma a sa linna e su suspu, su simbolismu chi espressat, narat Maria Antonietta Motzo, professora de is tres artistas in s’Istitutu de Arte (oe Litzeu artìsticu).
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.