- Dettagli
- Domenica, 28 Aprile 2024 09:28
- Scritto da Redazione
Un’ocasione pro pensare a s’identidade nostra
Comintzende dae su 1993, cando su Consìgiu regionale dd’aiat apostivigada cun sa L.R. n. 44, sa Die de sa Sardigna s’afestat su 28 de abrile de onni annu. Is afestamentos de sa Die de su Pòpulu sardu bolent ammentare sa chèscia popùlare de su 28 de abrile de su 1794 contras de su Guvernu de is Savòias non cun sentidu lastimosu, ma comente a un’ocasione pro afortiare su sentidu de apartenèntzia de is Sardos, una manera pro chi – movende dae su regordu de is acontèssidos istòricos de su Triènniu rivolutzionàriu sardu – nois tengiamus s’ocasione pro pensare a chie semus e a ue cherimus andare, a comente totu parare fronte a is isfidas noas chi s’Ìsula nostra tenet oe in die in su Mediterràneu, in Europa e in su mundu.
Un’ocasione, duncas, pro pensare a s’identidade culturale nostra in totu is faches suas, dae s’istòria a is chistiones de s’isvilupu sustenìbile chi depet acumpangiare su tramudu energèticu, dae is règulas chi torrant a iscrìere is relatas cun s’Istadu italianu a is chistiones de sa limba chi, mancari sa Regione Sarda ameghet de fàghere isfortzos mannos pro dd’abbiatzare, agatat ancoras barrancos meda pro intrare a iscola e fintzas s’impreu suo in famìllia est in suferèntzia manna.
E non sunt pagas is Amministratziones comunales e is Iscolas chi, siat dae se o gosende de is agiudos econòmicos prevìdidos dae un’Avisu pùblicu bogadu dae sa Regione Sarda, ant cherfidu cuncordare addòbios, laboratòrios, cuntzertos, ispetàculos. In s’Artzidiòtzesi nostra puru si sinnalant una filera de fainas cun protagonistas is dischentes de iscola e is famìllias issoro.
Nde remonamus una pariga, comente a cussa programmada dae su Comune de Abbasanta, a manos de pare cun s’Unione de is Comunes de Guiltzier e s’Istitutu cumprensivu de Abbasanta; o cussa cuncordada dae su Comune de Samugheo a manos de pare cun s’Unione de is Comunes de Barigadu; o sa chi ant cuncordadu su Comune de Aristanis e s’ISTAR; o cussa cuncordada dae s’Istitutu cumprensivu de Simaghis e Biddobrana, ispetziale pro ite ca is dischentes dd’ant a afestare domìnigu 28 de abrile, sa die giusta de sa Festa.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.