- Dettagli
- Domenica, 12 Maggio 2024 12:30
- Scritto da Redazione
Su cumplessu nuraghesu acanta de sa S.S. 131
Pro sorte manna, sunt medas oramai is logos archeològicos in Sardigna in ue is sotziedades chi nde contivìgiant sa gestione proponent bìsitas fintzas in limba sarda. Unu de custos est su cumplessu nuraghesu Losa de Abbasanta, unu de is gigantes chi piessignant su paesàgiu naturale e culturale de su Guiltzier, in ue sa Cooperativa Paleotur (ghiada dae Dario Vinci) proponet bìsitas ghiadas in italianu, in inglesu, in frantzesu, in L.I.S. e in limba sarda.
Su nùmene losa, chi arribbat dae s’ispagnolu losa o dae su catalanu llosa, bolet nàrrere lastra, lapide, tomba. Est unu nuraghe a tholos a tres turres, fraigadu in s’Edade de su Brunzu mesanu, artu prus de 20 metros (oe nd’at abarradu 13 istantàrgios), inghiriadu dae sa biddighedda nuraghesa, isparta prus de tres ètaros. Gràtzias a sa richesa de cussu logu, s’òmine ddoe at sighidu a bìvere pro tempus meda, cando sa Sardigna aiat connotu àteras tzivilidades de su Mediterràneu.
Chie bolet connòschere mègius custos rastros ammajadores de sa tzivilidade nuraghesa ddu podet fàghere onni die, dae is oto e mesu de mangianu fintzas a un’ora in antis de iscurigare, in tres maneras: gosende de una bìsita de un’orighedda, acumpangiada dae una ghia archeològica; pro contu suo, a pustis de àere otentu su materiale de informu e agiudende-si cun is cartellos, iscritos in bator limbas, chi s’agatant in su caminu consigiadu pro sa bìsita; pro contu suo, a pustis chi is ghias dd’ant dadu carchi informu in sa billeteria.
Ma in su Nuraghe Losa, a prus de una filera de addòbios ligados a s’astroarcheologia, ddoe cuncordant fintzas laboratòrios didàticos e, dae su 2018, faghet fintzas a si ddoe cojuare.
Abbasanta no oferit archeologia isceti. In bidda, una domo in istile aragonesu fraigada intra de su 1.500-1.600 acasàgiat su META, su Museu Etnogràficu Abbasantesu, una mustra de ainas chi contat su traballu de massajos e pastores intra de su 1.800 e sa prima metade de su Noighentos.
Àteros informos si podent agatare in Internet in s’indiritzu www.nuraghelosa.net e, in Facebook, in sa pàgina Noraghe Losa.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.