- Dettagli
- Domenica, 02 Giugno 2024 12:19
- Scritto da Redazione
In unu libru su contu de Beniaminu Zuncheddu
Si non mi so ammachiadu, est pro su naturale bonu chi tèngio, ma pruschetotu gràtzias a sa fide. Andaia a sa capella, tiraia bene cun is capellanos e, in is oras longas passadas in tzella, fatu-fatu naraia unu Babbu Nostru o un’Ave Maria. A crèere semper in calicuna cosa: custu est su chi m’at sarvadu! A cando a s’unu a cando a s’àteru, pregaia a totu is santos, ma a manera particulare a Santa Rita, pro ite ca est sa santa de is cosas malas a fàghere. Ddi narant aici pro ite ca est sa santa de is cosas prus introbeddadas e disisperadas. E situatzione prus disisperada de sa mia non beniat bene a nd’agatare. Custu est unu de is cunsideros chi Beniaminu Zuncheddu iscriet in su libru Deo so notzente. Contu de un’òmine impresonadu sena de neghe pro 33 annos e de s’abogadu chi at gherradu pro ddi torrare sa libertade, publicadu dae De Agostini e essidu friscu friscu s’àtera die. Su libru est iscritu a bator manos dae su pastore de Brucei, cundennadu a s’ergàstulu pro su mortòrgiu de Sìnnia de su mese de ghennàrgiu de su 1991 e assòlvidu su 26 de ghennàrgiu de ocannu pro no àere fatu su mortòrgiu, e dae s’abogadu Màuru Trogu, chi at crètidu in s’innotzèntia sua e chi dae su 2016 at gherradu pro chi is giùighes esserent torradu sa libertade furada a unu cristianu notzente.
Su libru ddu presentant sàbudu 1 de làmpadas in Aristanis, in s’Istitutu Othoca. S’iscola nostra est atenta a custas genias de acontèssidos de sa vida, siat pro sa chistione umana de un’òmine chi nche at passadu 33 annos in presone sende notzente, siat pro is chistiones giurìdicas, pro ite ca in su Litzeu iscientìficu nostru s’istùdiat Diritu puru, narat su dirigente Francu Fròngia. Sa chi at pertocadu a Beniaminu Zuncheddu, difatis, paret chi siat sa faddina giuditziària prus grave de totu s’istòria de sa Repùblica Italiana.
Unu de is regordos prus bellos chi tèngio est s’addòbiu cun paba Frantziscu, in su 2013, cando in Casteddu aiat saludadu a is presoneris de Buoncammino, narat Beniaminu Zuncheddu. Mi diat pràghere meda, si sa salude mi ddu permitit, a torrare a bìere a paba Frantziscu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.