• #L'Arborense
• #ArcidiocesidiOristano
• #inlimba
• #Sardo
• #Imprentas
• #AntoniNàtziuGarau

Rastros de sa religiosidade de is Sardos

Acasagiadu in su Palàtziu Aymerich de is marchesos de Làconi, unu fràigu de istile neoclàssicu, su Menhir Museum, su Museu de s’istatuària preistòrica de sa Sardigna, oferit a is bisitadores unas 40 pedras fitas agatadas in is sartos de Làconi, Sant’Antoni, Samugheo e Àllai. Totu custu est mustradu in deghe salas, cun pannellos e àteros agiudos multimediales, mentras in un’àteru aposentu si-ddoe podent bìere repertos de istèrgiu de terra, àteros trastos de metallu e de pedra impreados dae s’òmine in su Neolìticu antigu e in su Brunzu antigu, agatados in logos comente a Corte noa o Masone Perdu.

Is pedras fitas, chi sunt sa testimonia de sa religiosidade funguda de is Sardos de 5.000 annos a oe (semus faeddende de s’Edade preistòrica de su ràmene), sunt de tres calidades: nde-ddoe at protoantropomorfas, sena de pintadura peruna, antropomorfas chi però no iscòviant si sa figura est de unu mascru o de una fèmina e, in fines, istàtuas ricas de piessignos chi faghent a cumprèndere su sessu de sa figura. Istàtuas meda presentant simbolismos comente a su de s’òmine a conca a giosso (acapiadu a su cultu de is mortos) o su gurteddu a duas puntas (unu sinnu de fortza e de poderiu).

In su 2018, in Làconi, ddoe est nàschida sa Retza natzionale de is museos de is istàtuas/losas menhir, chi nde faghent parte su Museu Sanna de Tàtari e àteros museos de importu chi s’agatant in Itàlia comente a su de Aosta, Trentu, Riva de su Garda, La Spezia, Pontrèmoli, Bolzanu, Teglio-Sòndriu, Capo di Ponte, Bovino e Manfredonia.

Ma Làconi no oferit su Menhir Museum isceti. In custa bidda de Sarcidanu, inghiriada dae padentes birdes, faghet a bisitare intra de is àteras prendas sa domo in ue est nàschidu Santu Fra Nàtziu, su Museu de arte sagrada e, cosa chi bos at a lassare a buca aberta, non podet mancare una passigiada bella in su Parcu Aymerich, oru-oru de bidda, unu furrungone de paradisu cun matedu sardu e furisteri, ispèndulas e rios de abba frisca, in ue si biet su chi abarrat de unu casteddu de su de XI-XII sèculos.

Unu logu de paghe e de salude, pro is purmones e pro sa mente!

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...