• #L'Arborense
• #ArcidiocesidiOristano
• #inlimba
• #Sardo
• #Imprentas
• #AntoniNàtziuGarau

Ilartzi. In sa domo museu de Antoni Gramsci

Caminende peri is bighinados antigos de Ilartzi, in ue abarrant testimonias ispantosas de is maistros de muru e de is picapedreris de custa bidda de Guiltzier, si lompet a sa domo museu de Antoni Gramsci, in ue su pensadore e polìticu sardu, istudiadu ancoras oe in die in totu su mundu, ddoe aiat bìvidu a pipiu e a pitzocheddu.

Gramsci fiat nàschidu in Abas in su 1891, ma dae su 1898 sa famìllia sua aiat tramudadu a Ilatrzi. In sa domo museu, chi sa gestione dda contivìgiat sa Fundatzione Domo Museu Antoni Gramsci, si ddoe podet bìere una regorta de ainas de impreu fitianu e de traballu, gioghitos fraigados dae issu etotu e donados a sa pobidda e a is fìgios, trastos de sa vida de presoneri allogados dae sa pobidda Julka Schucht e dae is fìgios Delio e Giuliano in Mosca e dae sa sorre Teresina Gramsci Paulesu in Sardigna.

Sa domo museu est partzida in ses salas, tres in su pranu terrenu (in ue ddoe est fintzas una pratzitedda e sa domo de su forru) e tres in su pranu de a subra. Gràtzias a un’ischermu a tocu is bisitadores podent bìere is iscritos originales de Gramsci digitalizados cun risolutzione arta. In su pranu de a subra, intra de is àteras cosas, in una bidriera chi regordat unu tretu de sa recuisitòria chi su PM Michele Isgrò aiat fatu in su protzessu de 1928 (Pro binti annos depimus fàghere a manera chi custu cherbeddu non funtzionet), si ddoe podent bìere lìteras, libros e àteros trastos chi Gramsci manigiaiat in presone.

Dae su 2011 in Ilartzi ddoe cuncordant s’Iscola de istadiale, un’iscola internatzionale de istùdios gramscianos, cun sa punna de pònnere paris sa lassa de is ideas chi Gramsci teniat de su mundu e de sa polìtica (regordamus chi est s’autore italianu chi si leghet de prus in su mundu, paris cun Dante e Machiavelli!) cun is logos e cun is raighinas antropològicas in ue sa personalidade sua s’est formada.

Àteros informos in contu de sa domo museu de Gramsci, decrarada in su 2016 bene culturale istòricu e artìsticu e monumentu natzionale, s’agatant in sa retza in s’indiritzu www.casamuseogramsci.it

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Antoni Nàtziu Garau

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...