- Dettagli
- Domenica, 07 Luglio 2024 11:59
- Scritto da Redazione
S’ispantu de sa pintura de su Noighentos
Dd’ant dedicadu a su pintore ispanniolu Antonio Ortiz Echagüe su M.A.M.A., su Museu de Arte Moderna e Cuntemporànea de Atzara, in Mandrolisai. Sa dèdica bolet regordare a unu de is duos pintores costumbristas, Eduardo Chicharro y Agüera e Antonio Ortiz Echagüe, chi a primìtzios de su Noighentos aiant bisitadu Atzara ammajados dae is colores de sa bestimenta de su connotu, dae su paesàgiu e dae is traditziones de sa bidda.
Su museu dd’ant abertu in su 2.000 e dd’acasàgiat unu fràigu de su 1.800, acontzadu e assentadu pro sa tarea noa. In sa pinacoteca si ddoe podet bìere una regorta de importu de pinturas de su de XX sèculos, cumentzende dae cussas de Chicharro y Agüera e Ortiz Echagüe etotu a cussas de Antonio Ballero, Filippo Figari, Antonio Corriga (atzaresu!), Antonio Mura, Costantino Spada, Mario Delitala, Pietro Antonio Manca, Mauro Manca e àteros.
Su museu est cuncordadu in tres pranos. In cussu terrenu si ddoe podet bìere sa sala de is pintores ispanniolos; in sa sala de mesu de su primu pranu, imbetzes, ddoe sunt is òperas de is maistros de sa pintura sarda de sa de duas metades de su 1.900; in fines, in s’ùrtimu pranu si ddoe podet bìere sa setzione de is pinturas cuntemporàneas e una setzione noa dedicada a sa tzeràmica artìstica de su connotu sardu.
Su museu MAMA non si firmat in Atzara isceti, ma est abertu a is acontèssidos culturales e sotziales de su territòriu: su nùmeru semper prus artu de bisitadores de custos ùrtimos annos mustrat chi sa gente dd’aprètziat meda, narat sa diretora de su museu Cinzia Littera.
Abertu dònnia die a mangianu e a merie (francu su lunis), su museu ddu contivìgiat sa cooperativa Progetto Cultura de Atzara. Gràtzias a su àere fatu isparèssere is barrancos architetònicos, ddu podent bisitare a discansu fintzas is persones disàbiles. Una resone in prus pro nche passare una coa de chida in custa bidda bella de Mandrolisai, inghiriados dae padentes birdes, respirende àera sana e s’acasàgiu sintzillu de is atzaresos.
Àteros informos s’agatant in sa pàgina Internet in s’indiritzu www.museoatzara.com
Antoni Nàtziu Garau
Leggi anche
Focus
Europa: la nuova Carta d'Identità Elettronica diventa obbligatoria
Jeans e Made in Italy: un'iniziativa per tutelare le eccellenze di marchio italiano
Il Bar di Ibba: un edificio identitario per Oristano
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Incontri
Il romanzo di Massimiliano Perlato ambientato a Marceddì: intrigante e ben confezionato
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.