- Dettagli
- Domenica, 21 Luglio 2024 11:51
- Scritto da Redazione
Aristanis. Su Museu Antiquarium Arborensu
Intra de is logos de cultura chi oferit sa tzitade de Lionora de Arbaree, su Museu Antiquarium Arborensu, dedicadu a s’istudiosu de archeologia e de cosas sardas prof.re Pepetu Pau, est una de is mègius prendas. Dae su 1992 est acasagiadu in su bighinadu antigu de Aristanis, in su Palàtziu de is Parpaglias, unu fràigu de s’Otighentos.
Si-ddoe podet bìere totu sa regorta archeològica de s’abogadu Pischedda, sa regorta privada prus manna de totu sa Sardigna, chi su Comune de Aristanis aiat comporadu in su 1938. Sa mustra de is repertos (medas arribant dae sa penìsula de su Sinis e movent dae su neolìticu a s’edade nuraghesa, fenìtziu-pùnica e romana) e de is òperas est isparta in su pranu terrenu e in su primu pranu.
In su pranu terrenu si ddoe agatat su museu tàtile, in ue si podent bìere e tocare is còpias ispinditas de is cosas prus bellas mustradas in su museu e de su patrimòniu culturale aristanesu. In su primu pranu ddoe est s’àula didàtica, sa sala chi acasàgiat mustras temporàneas e sa sala de is retablos, cun òperas de importu mannu comente a su retablu de Santu Martinu (de su de XV sèculos), su retablu de su Cristos Santu (1533, de Pedru Cavaro) e su retablu de Nostra Sennora de is Consigieris (1565, de Antiogu Mainas).
In prus si podet gosare de sa bellesa de unu plàsticu de sa tzitade de Tharros (dae ue arribant repertos meda de su museu) in su de IV sèculos a pustis de Cristos e unu plàsticu de sa tzitade de Aristanis in su tempus de is Giuigados (XIV sèculu), cando sa tzitade fiat inghiriada dae murallas artas istantargiadas cun punnas de defensa. Una ventana manna, duncas, cara a s’istòria de Aristanis e de su territòriu suo.
Su museu, chi nde podent gosare fintzas is persones àbiles a manera diferente, tzurpas o chi nche bient pagu, tenet unos cantos trastos multimediales, comente a un’ischermu interativu a tocu cun immàgines stereoscòpicas e modellos 3D interativos cun sa funtzione de realidade crèschida, una mesa interativa a tocu cun puzzle, giogos e quiz pro ònnia edade.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.