- Dettagli
- Domenica, 08 Settembre 2024 11:11
- Scritto da Redazione
In Ovolaccio sa regorta de is ainas antigas
Fiera e ruza, in mesu a sos castanzos / seculares, ses posta o bidda mia; / atacada a sos usos de una ‘ia, / generosa, ospitale a sos istranzos. / Sos fizos tuos, pienos d’energia, / chircant in donzi parte sos balanzos / cun cuddos cadditeddos fortes, lanzos, / càrrigos de diversa mercantzia. / Gai, passende vida trista e lanza, / girant s’ìsula nostra ventureris. / E cand’intrant in carchi bidd’istranza / totu isclamant: Acò sos castanzeris! / E issos, umiles, narant: eh castanza! / E chie còmporat truddas e tazeris?
Est su soneto chi su poeta Antiogu Casula (Montanaru) aiat dedicadu a bidda sua, Dèsulu. Una fotografia crara de s’economia de custa bidda de Gennargentu, ligada a su monte, e de su naturale de is desulesos. Oe in sa domo de Montanaru, unu fràigu de sa metade de s’Otighentos chi s’agatat in su bighinadu de Ovolaccio, acanta de sa crèsia de su Cramu, ddoe ant cuncordadu unu museu etnogràficu chi regollet is ainas de is traballos de su connotu e fotografias, a prus de 1.500 libros chi formaiant sa biblioteca de su poeta.
S’architetura de sa domo est cussa desulesa, cun is aposentos de a intro bastante mannos. In su pranu de a suta si ddoe podent bìere is trastos de su massaju, totu is ainas acapiadas a sa bìngia e a su faghimentu de su binu, cussas de su pastore, de is padentàrgios e serradores, cussas de su sabateri, de su frailàrgiu, de su maistru de muru, de su maistru de linna, de su picalinna.
Ma si ddoe agatant fintzas is trastos chi imperaiant is fèminas in s’arte de su tessìngiu, e cussos de is maistros de pannu, mentras un’aposentu est dedicadu a sa bestimenta desulesa de su connotu.
In su primu pranu si ddoe agatat s’istùdiu de su poeta, mortu in su 1957, cun sa biblioteca sua e is lìteras chi iscriiat a intelletuales e a polìticos de su tempus suo comente a Mario Berlinguer, Marianna Bussalai, Francesco Cucca, Sebastiano Satta e Grazia Deledda, e a artistas comente a Francesco Ciusa.
Ma Montanaru aiat connotu a su babbu de sa linguìstica sarda moderna, Max Leopold Wagner, e a Pier Paolo Pasolini, giòvanu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.