- Dettagli
- Domenica, 13 Ottobre 2024 10:46
- Scritto da Redazione
Su calendàriu de Atòngiu in Barbàgia
Sighit su programma de Atòngiu in Barbàgia cun is Cortes apertas. A pustis de Austis, in ue s’est fata su 21 e su 22 de cabudanni, e de Meana, chi at abertu is ghennas suas sàbadu e domìnigu passadu, 5 e 6 de mese de ledàmene, sa manifestatzione dda faghent s’11 e su 12 de mese de ledàmene in Tonara, su 19 e su 20 in Brebì e in Sòrgono (cun Sa binnenna), su 26 e su 27 in Aritzo, cun sa Sagra de sa castàngia. Ancoras, abarrende in s’Artzidiòtzesi nostra, s’1, su 2 e su 3 de onniasantu in Dèsulu, cun Su monte produet, su 9 e su 10 in Ovodda; su 16 e su 17 in Tìana; su 23 e su 24 in Atzara.
In su mese de idas, imbetzes, Cortes apertas at a tramudare a Adoni, su 30/11 e su 1/12, e in fines a Ortueri, su 14 e su 15. Ma s’editzione de Atòngiu in Barbàgia 2024 pertocat in totu 32 biddas de sa provìntzia de Nùgoro. Lòmpida ocannu a sa de 24 editziones, sa manifestatzione pensada dae sa Càmera de Cummèrtziu de Nùgoro e dae sa sienda ispetziale ASPEN permitit de connòschere mègius sa cultura e su connotu de is biddas chi ddoe pigant parte, cumentzende dae s’istòria e dae is monumentos, ma oferende a mìgias e mìgias bisitadores chi onni annu prenent is bias de custos comunes de su coro de sa Sardigna sa possibilidade de bìere is produsimentos artesanos (tessìngiu, linna, ferru, e aici sighende) e de tastare is produsimentos enogastronòmicos chi ddos piessignant: dae su pane a su presutu e a su sartitzu, dae sa castàngia, nughe e nughedda a is durches e a su binu.
Atòngiu in Barbàgia est un’apuntamentu chi totu cuddos chi cherent apretziare sa sintzillesa de is produsimentos sardos non podent pèrdere, narat Agostino Cicalò, presidente de sa Càmera de Cummèrtziu de Nùgoro. Ocannu passadu sa manifestatzione at fatu contare mesu millione de bisitadores, medas arribados dae continente e dae s’èsteru puru, interessende 2700 impresas e ingendrende in custos bator meses de atòngiu prus de 11 milliones de èuros de faturadu. Una manera intelligente pro illonghiare s’istajone turìstica e pro fàghere apretziare fintzas is bellesas ambientales e culturales de sa Sardigna de a intro.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.