- Dettagli
- Domenica, 27 Ottobre 2024 10:40
- Scritto da Redazione
Is fainas de sa Fundatzione de su Romànicu
Si pònnere paris cun una punna a cumone: sa de amparare, fàghere a connòschere e avalorare sa sienda de s’arte e de s’architetura romànica, chi in Sardigna puru at lassadu rastros mannos intra de su de XI e su de XII sèculos. Custa est s’idea chi abbiatzat sa Fundatzione Sardigna Ìsula de su Romànicu chi, dae su 2021, ponet paris una filera longa de Comunes chi allogant benes monumentales de su Romànicu sardu, Assòtzios culturales comente a Itinera Romanica – Amigos de su Romànicu, cun s’agiudu de Universidades, Subraintendèntzias, de sa Crèsia e de àteras istitutziones.
Una de is ùrtimas fainas est s’imprenta de is Caminos de su Romànicu in Sardigna, una filera de 14 ghias iscritas, cun sètiu iscientìficu ma de isparghidura de sa connoschèntzia, dae prof.re Andria Pala, maistru de Istòria de s’Arte medievale in s’Universidade de Casteddu, cun ischedas contivigiadas dae àteros collaboradores. Is nùmenes de custos Caminos sunt curiosos: ddoe est su Caminu de is rees e cussu Rurale (dae s’Ulumedu a Itireddu), cussu de is Mònacos (dae Bosa a Boruta), su de is Pìscamos (dae Otieri a Bànari), su de su Granitu (dae Terranoa a Cuzina), su de is Santos (dae Orosei a Otzana), su de sa Rughe (dae Santa Justa a Santu Lussurzu), su de su Frùmene (dae Bauladu a Fordongianus), su de su Lagu (dae Norghiddo a Sorradile), su de is Relìcuias (dae Useddus a Seddori), su de su Dragu (dae Patiolla a Sueddi), su de is Cavalleris (dae Sestu a Biddeputzi), su de su Mare (dae Casteddu a Pula) e, in fines, su de su Metallu (dae Gùspini a Deximeputzu).
Semus presados de su traballu chi sa Fundatzione at fatu in custos primos tres annos de vida, pro ite ca sunt semper de prus is Comunes in ue si-ddoe agatat carchi testimonia de su Romànicu chi domandant de intrare a fàghere parte de custa famìllia manna, chi bolet allogare e fàghere a connòschere mègius s’arte e s’architetura chi ant piessignadu custa simana de s’Edade de Mesu in Sardigna e in totu s’Europa otzidentale, narat Antonello Figus, presidente de sa Fundatzione.
Àteros informos in sa pàgina www.fondazioneromanicosardegna.it
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.