- Dettagli
- Domenica, 01 Dicembre 2024 09:32
- Scritto da Redazione
Glotologia. Su caminu longu de su sardu
Sighende su caminu de su sardu e de is relatas cun àteras limbas e culturas, non podimus ismentigare s’addòbiu de su sardu cun àteras duas limbas sorres, su catalanu e s’ispagnolu. Pro ite sorres? Pro ite cussas puru sunt sa sighidura de su latinu lòmpidu a sa Penìsula ibèrica cun s’isparghidura de s’Imperu romanu. E pro ite custu addòbiu?
Inoghe puru, sa connoschèntzia de is acontèssidos istòricos – chi diat èssere tropu istentosu a ddos remonare in custu articuleddu – agiudat a ddu cumprèndere. Naramus isceti chi, mancari paba Bonifàtziu VIII, in su 1297, aeret nominadu a Jacu II de Aragona ree de Sardigna e Còrsica, sa conchista de s’Ìsula nostra - in ue, a prus de is bator Giuigados, nche teniamus s’influèntzia de is Pisanos in su Cabu de Giosso e in Gaddura e de is Genovesos in Logudoro – fiat cumentzada isceti in su 1323 e fiat sighida fintzas a su 1478, cando fiat acabbadu su Marchesadu de Aristanis.
A pustis de sa conchista aragonesa, sa relata intra de su catalanu e su sardu fiat istada una relata de diglossia, est a nàrrere chi is Sardos ant sighidu a faeddare su sardu e, totu a su prus, cumprendiant su catalanu, ma non ddu faeddaiant (francu is prèides, is notàrios e calicunu àteru). Su catalanu fiat sa limba de is Corts. Is decretos de is guvernadores fiant iscritos in catalanu, aici etotu comente a is privilègios e is àteros disponimentos reales, is gridas de su vitze-re, is comunicatziones de is funtzionàrios a is autoridades munitzipales, is atos amministrativos de Tàtari, de Casteddu e de Aristanis.
Me in is sèculos XVI e XVII su catalanu dd’impreant pro compilare is registros parrochiales, pro marcare batijares, cunfirmas, cojas e mortes. Su sardu si sighit a impreare pro iscrìere is condaghes de crèsias e cunventos, mentras in catalanu s’iscrient is istatutos de is grèmios, is assòtzios de is artesanos. In sa carrera de s’evangelizatzione, giai incumentzende dae su 1567 a su catalanu ddu remplasat su castillianu, est a nàrrere s’ispanniolu.
Su generale de sa Cumpangia de Gesùs, difatis, cumandat s’impreu de s’ispanniolu pro is prèigas. (4 – sighit)
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.