- Dettagli
- Domenica, 08 Dicembre 2024 09:17
- Scritto da Redazione
Glotologia. Su caminu longu de su sardu
A pustis de cussa de su latinu, s’influèntzia de su catalanu e de s’ispanniolu est cussa chi at lassadu in su sardu rastros prus fungudos. Dae su catalanu arribant faeddos comente a resessire (in su Cabu de Susu) pro nàrrere riuscire, padrina (in su Cabu de Giosso) pro madrina, tanda (quota, rata), aggradare (piacere), amparare (proteggere) e unu muntone mannu de faeddos chi pertocant sa coghina (bufare, callente, cullera, findeus, ismurzare, forchita, safata, tratabucu, tassa), sa vida e cosas de domo (cadira), sa pisca (agulla, arànnia, arengu, giarretu, lissa, pagellu), is artes (cun faeddos comente a aina, barrina, biga, burrumballa, ferreri, giuge, sabateri), relatas de parentela (criu, ajaju, viuda), su corpus umanu (barra, casciale, cara, manu dereta, carrone, marriu, lègiu, cancaradu), sa flora (afàbica, gentilla, sìndria) e sa fàuna (cardanera, cardelina, àinu, burricu, sangunera), sa bestimenta (bonete, butzaca, davantali), etc. Ancoras, catalanus sunt faeddos comente a aici, matessi, de badas, e una filera longa de faeddos chi acabbant cun –eri, –era.
Su castillianu puru (ispanniolu) nos at lassadu unu muntone mannu de faeddos chi imperamus onni die. Dae acabbare a traste, dae amonestare a iscarmentare. E, ancoras, faeddos che a balentia, cundenna, denghe, intrànnia, losa, merèssere, pinzellu, potecàriu, prenda, tìrria, tontu, trampa, ventana e àteras chentinas, medas cun su sufissu –eri, –era, –ura, –esa. In sa morfologia de su sardu s’ispanniolu nde essit a pìgiu in espressadas comente a bàsciu de (finché): bàsciu chi torrat, non faghet a essire (finché non torna, non possiamo uscire); non crèere a su santu, bàsciu de bìere sa festa (non credere al santo, finché non si vede la festa).
E, semper dae s’ispanniolu nos arribat su de imperare giai o gei pro afortiare una cosa chi si narat: gei ddu creo! (è proprio così!), gei si dd’at naradu! (glielo ha detto!), un’impreu, custu, chi nche dd’amus tramudadu fintzas a s’italianu regionale nostru, in ue naramus già lo credo! già glielo ha detto! già se ne accorgerà! (sicuramente se ne pentirà!).
(5 – sighit)
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Antoni Nàtziu Garau
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.