- Dettagli
- Domenica, 10 Marzo 2024 11:56
- Scritto da Redazione
De su mundu. Po sciri mellus su chi acontessit me in is crèsias cristianas
Est de gennàrgiu sa nova chi est incariu su prètziu de pagai po su servìtziu sanitàriu natzionali po is stràngius chi funt in Itàlia. Is òrdinis de paras e de mòngias, chi acasàgiant cambaradas sèmpiri prus mannas de fradis e sorris chi arribant de su continenti africanu, asiàticu e americanu, ant a depi pagai meda de prus.
Difatis, su de pagai est passau po donniunu chi arribat de is Stadus chi funt a foras de s’Unioni Europea, de agiumai 400 èurus a s’annu a duamilla èurus: unu crescimentu de importu, po cunventus chi tenint dexi, binti, trinta e passa stràngius o stràngias.
Duncas, imoi si funt studiendi maneras de mudai su motivu de intrada: da cussu religiosu a cussu de traballu, po chini nci arrennescit a tenni giai un’ocupatzioni. In Frància est cumentzada una faina bella de agiudu e de caridadi. Hina e Olivier Lefrançois, cojaus de 27 annus e sena de fillus, agiudant a totus cuddus predis chi funt stracus po su traballu e po su stress.
In su 2020, prus de 200 predis ant dèpiu lassai su ministeru po strachìmini e po cussu chi tzerriant boun-out. Ant nau: Eus arriciu meda de is predis in sa vida nosta, imoi circaus de torrai custa gràtzia cun s’agiudu chi podeus. Ant abertu giai duas domus de acasàgiu e, de innoi a pagu tempus, ant a aberri sa de tres. Una manera bella de si torrai gràtzias apari po cussu chi s’arricit in sa vida.
A su càbudu de ocannu 2024, su Guvernu argentinu de su presidenti nou, Javier Milei, nd’at bogau su dinai chi de su 1979 si donàt a totu is pìscamus de cussu Stadu.
Po totu cussus chi funt in pensioni, su stipèndiu fiat paris a 110 èurus dònnia mesi e cussus ancoras in servìtziu tirànt sa metadi. In su 2023 sa Crèsia argentina iat tentu 210 milla èurus (189 millionis de pesos) e ocannu at a tenni 320 èurus sceti. Cussu chi sa crèsia pigat de su Stadu est paris a su 7 % de is intradas po sa Crèsia.
Is pìscamus ant sceberau de no pigai prus mancu cussu dinaeddu e de si sighiri a fai agiudai de su bonucoru de sa genti, po essi testimonia de poberesa e de comunidadi. In Ìndia ant incingiau un’app noa, Chatolic Connect, po donai a is cristianus chi bivint in cussu Stadu – e po cussus puru chi bivint foras – sa possibilidadi de connosci cussu chi sa crèsia fait in chistionis de sa scola, de sa sanidadi, de sa pastorali e de sa dotrina po giòvunus e mannus.
In Sardìnnia puru funt medas is indianus e is indianas chi bivint, traballant e pregant innoi. No pagus funt is paras e is mòngias chi faint parti de is òrdinis religiosus e chi cun cussa app podint sighiri su chi acontessit in sa terra e in sa Crèsia insoru.
Una nova finas de sa Cina. In s’urtima cida de gennàrgiu, a tres predis cinesus ddus ant ordinaus pìscamus in tres diòtzesis de cussu Stadu. Si sciit chi cussas ordinatzionis funt cuncordadas tra Vaticanu e Guvernu cinesu. Duncas, cussus tres pìscamus funt catòlicus, ma agradèssius a su Guvernu e ordinaus po mori de su Stadue totu.
Po dda nai in craru: su Paba sceberat a is pìscamus, ma sceti cun s’autorizatzioni de su Guvernu ddus podit fai ordinai.
Unu missionàriu de importu de su Pime at scritu chi custas tres ordinatzionis funt una cosa bella po is cristianus cinesus, ma no tocat a s’alligrai tropu, poita sa Crèsia ufitziali cinesa est acapiada a manus e peis a sa politica de Xi Jinping.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.