• #L'Arborense
• #ArcidiocesidiOristano
• #inlimba
• #Sardo
• #Imprentas
• #MicheleAntonioCorona

In su Museu diotzesanu ant incingiau s’amosta de is scientis de s’Artìsticu

Candu binti piciocheddus e piciocheddas si ponint in conca de fai intendi sa boxi insoru, su profetu chi si biit est mannu e bellu. Sàbudu, su 9 de custu mesi, a su merii, in su Museu de sa Diòtzesi de Aristanis, ant abertu s’amosta cun is òperas de is scientis de su Litzeu Artìsticu de Aristanis: su Mistèriu de sa Pasca Manna. Su prexu de is organitzadoris, prima de totus sa diretora Silvia Oppo e Antonellu Carboni, chi ant tentu fueddus bellus e de importu po fai a cumprendi s’oportunidadi bella de custa faina.

A su Museu ddoi arribant artistas meda e ant fatu a connosci is òperas insoru pintoris chi funt nodius. Ma custa borta est diferenti: funt scientis giòvunus de arti, chi ant donau a is bisitadoris sa possibilidadi de cumprendi e de si cumprendi. Una cambarada manna de genti, manna e giòvana, at pigau parti a su primu momentu e at ascurtau a chini at fueddau cun atentu e spèddiu mannu de no lassai arrui mancu unu fueddu.

Su dirigenti de sa Scola, professori Pinu Tilocca, est seguru chi custa faina siat de importu mannu po sa Scola etotu. S’amosta s’est pòtzia fai mancai su tempus no siat stètiu tropu, po mori de s’impreu de sa Scola e de professoris e scientis. In prus, sa Scola iat donau fueddu de nci arrennesci a betiri a su Museu is òperas e aici est stètiu. In prus, sa cosa manna est de essi traballau cun d-una de is istitutzionis mannas po sa cultura in Aristanis. At sighiu su dirigenti: Seu prexau meda po sa calidadi de is òperas, chi si faint biri cantu pensamentu e sentidu ant tentu is scientis po custu tema de sa morti e resurretzioni de Gesùs, finas cun maneras pagu religiosas, ma chi tocant in s’animu a totus.

Unu de cussus giòvunus, Sebastian Patrascu, at chistionau a nòmini de totus, nendi chi est stètiu bellu meda a podi traballai sena de crabistus o ordinagus. Nci seus arrennèscius a ndi fai bessiri, e a ddu tramudai de is pinzellus a sa tela, totu cussu chi s’est nàsciu in su coru. At nau puru chi, cun is cumpàngius e cumpàngias, funt crèscius in partis meda de sa vida.

Intra de is professoras chi ddus ant sighius, Silvia Pani narat chi s’amosta est un’oportunidadi manna po cresci e at biu me in is ogus de cussus giòvunus su prexu de s’intendi apretziaus, circaus e castiaus de genti meda: ant cumprèndiu chi ddoi est sa possibilidadi de si spantai e de fai spantai.

Professora Rita Putzolu arregordat chi po su prus is giòvunus no andant a crèsia e giai totus no creint, ma no ant lassau a perdi totu su chi ant dèpiu ascurtai e ligi po torrai a cumprendi su mistèriu de sa morti e de sa resurretzioni de Cristus. De prus ancora, ant ammanniau is ligiduras fendi arribai me in is òperas cussu chi ant pensau in contu de sa giustìtzia, de sa suferèntzia, de su dolu, de sa morti.

Intra de is bisitadoris de s’amosta si praxit a si fai a connosci su pensamentu de una, chi ddoi fiat sàbudu, Beatrici Serra: Cussus artistas nci funt arrennèscius a mi fai spantai meda cun sa fortza de s’arti e cun spìritu atentu in contu de sa Pasca Manna. Pruschetotu, apu tentu spantu mannu a innantis de s’òpera La Forza, poita chini dd’at fata nc’est arrennèscia a amostai su beni e su mali in misura e a manera giusta.

A chini tenit praxeri de bolli biri totu s’amosta, podit andai a su Museu Diotzesanu, in pratza de sa Seu, me in is diis chi est abertu. In prus at a podi bisitai sa Via Crucis de professori Dettori, s’amosta chi ddoi est sèmpiri, e un’àtera noa chi dda depint incingiai me in is cidas chi benint.

Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22

A cura di Michele Antonio Corona

E' sempre tempo per abbonarsi a L'ARBORENSE

Approfitta delle nostre promozioni.

CLICCA QUI per sapere come fare

Tweet

Leggi anche

Spotify: un servizio musicale digitale sempre in crescita

Fake news: imbrogli e bugie

Disabilità e Sport: tante norme per tutelare un diritto di t

N@vigando: Il digital divide

Con il numero 29 ripartono le nostre pubblicazioni cartacee

Il viaggio in Perù: Don Maurizio racconta l'intensa esperien

L'emozione di Mons. Carboni nell'incontrare la comunità sicu

Celebrato il 25mo anniversario dell'ordinazione di mons. Rob

L'OFTAL accompagna 80 persone con disabilità in pellegrinagg

Giubileo dei Giovani: l'intervista a don Marco Ruggiu

Campo scuola a Belvì: un'esperienza indimenticabile per 32 r

Riflessione. Tempo del Creato 2025

L'editoriale del 13 Luglio 2025. Sacerdoti: uomini, non supe

Il dramma della guerra in Ucraina: l'esperienza di don Ignaz

Fine vita: siamo padroni della nostra vita?

Intelligenza artificiale: la posizione di Leone XIV

L'ex carcere di Piazza Manno: un edificio da riqualificare

E' arrivata l'estate: necessario idratarsi con cura

Desulo. Il restauro del simulacro dell'Assunta dell'artista

Il ricordo di Bernardo Zizi, cantore di storia, fede e vita

Load More...