- Dettagli
- Domenica, 21 Aprile 2024 11:39
- Scritto da Redazione
Turismu. Chini benit po bisitai is logus nci depit lompi sena de si perdi
Candu unu caminat in d-una bia chi no connoscit, tenit abisòngiu de cartellus e sinnalis. Me in is arrugas mannas, comenti a provintzialis e statalis, is cartellus no amancant; nd’agatas de dònnia mesura e de dònnia manera. Bessis de s’areoportu de Su Masu e ndi biis una dusina: de Casteddu a Nùgoro, de Tàtari a Terranoa, de Pula a Sant’Antiogu.
Sa pròpia cosa acontessit in is àterus aeroportus o in logus de importu, innui su turista arribat po abarrai in s’ìsula nostra unu pagu de tempus. Ma ita acontessit candu s’acostat a is biddas o intrat in arrugas de sartu o de monti? Su prus s’agatat unu cartellu mannu in su stradoni de sa bidda, forsis un’àteru a metadi de caminu e apustis, candu is arrughixeddas funt medas e no si biit de atesu cussu chi ses circhendi, is cartellus parint bolaus.
E calincunu ndi bessit narendi: Is cartellus amancant sèmpiri candu serbint. Chini tenit responsabilidadi de ponni inditus po logus archeològicus o po logus de importu, si depit ponni in conca de si fai agiudai de chini cussu logu no ddu connoscit. Difatis, chini connoscit su logu no si-nd’acatat candu fùrriat peri is arrugas chi no tenint inditus chi unu chi no connoscit su logu no sciit a innui andai. Po fai un’esempru intra medas.
Unu chi tenit disìgiu de biri su casteddu Medusa in Samugheo arribat a mesu de sa bidda e, in sa tunda po andai a Asuni, ddoi agatat unu cartellu in colori de terra chi ddi narat sa filada de pigai. Apustis de una parighedda de chilòmetrus, ndi biit un’àteru chi ddu fait furriai a parti manca. De ingunis si pigat una bia asfaltada e bella (meda de prus de cussa provintziali chi de Allai andat a Samugheo etotu, chi est una bregùngia manna in su 2024!).
Ma chi unu non sciit a innui depit furriai, sighit a andai deretu e su casteddu no dd’agatat. Chi est scofau, at a agatai a calicunu pastori chi est cun su tallu de is brebeis e si ddu podit pregontai; e issu: Ma no est innoi! Depit torrai asegus e furriai a parti manca. Candu est intrau a custa bia, depiat furriai a dereta in cussa arruga asfaltada. E su turista ddi narat: Ma no ddoi fiat cartellu perunu. E cuddu sighit: Eh! Tocat a ddu sciri. Ma chi unu ddu sciit, no castiat mancu su cartellu aìnturu de bidda! Arribau a su casteddu, ddoi agatat una bellesa de cartellus chi dd’amostant su tretu de Samugheo a Masua, acanta de Igrèsias, a Biddexidru, a Solanas de Cuartu…
Sa chistioni no est diferenti meda mancu in Aristanis: chi unu sciit su logu, andat beni; ma chi no ddu sciit beni, s’arriscu est de si perdi: de prus puru candu ddoi funt traballus. Pensai pagu pagu chi unu est arribendi de s’Arremèdiu e depit andai a pratza de sa Seu: innui depit passai? E comenti fait a ddu sciri? Ma custu no balit sceti po su tempus chi un’arruga est serrada po traballus, ma po sèmpiri. Is logus de importu bolint sinnalaus beni: est sa manera de fai turismu.
E custu dd’at cumprèndiu e fatu chini at postu is cartellus de sa Costa Smeralda o de Terranoa: ddoi funt in totu sa Sardìnnia. Po fai un’esempru: ndi bessis de Tortolì e agatas sa scrita Terranoa. De s’una bidda a s’àtera su tretu est de agiumai 180 chilòmetrus e tocat a passai peri Nùgoro, ma su cartellu ddoi est e si biiit beni puru. Poita? At a tocai a imparai finas me in is biddas nostas!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.