- Dettagli
- Domenica, 26 Maggio 2024 11:21
- Scritto da Redazione
Aristanis. In s’aeroportu de Fenosu prus de milli personis ghiadas de Daniele Rochi
Cenàbura dexeseti de maju me in s’aeroportu de Aristanis, in Fenosu, ant fatu sa manifestatzioni po chistionai de sa suferèntzia manna chi tenit unu muntoni sèmpiri prus mannu de piciocheddus: s’autismu. Prus de milli personis (forsis, agiumai millieduxentus) funt abarradas a biri totus cussus chi cun ballus, cun giogus, cun sonus e cantus ant postu alligria in cussu bellu mericeddu. Si podiat intrai sena de pagai unu soddu e sena de donai mancu un’arriali. Cuatru oras de spetàculus, de spàssiu, de spantu.
Poita su chi de annus meda fait su responsàbili de su Silp, su Sindacau de sa Politzia, est custu: depeus fai beni cantu podeus, po su beni de totu is giòvunus e famìllias chi tenint in domu custa maladia. Issu, Danieli Rochi, ddu sciit in primu pupa, po domu sua, e po cussu at fatu de sa necessidadi sua una faina bella po totus.
Chini at biu is fotografias o cussu chi ant girau is chi tenint telecàmeras, at a essi abarrau a buca aberta: unu spantu mannu de solidariedadi, de agiudu pari-pari, de amistadi bella e disigiosa de fai. No est sceti a nai si podeus o boleus abarrai acanta o s’iat a praxi a s’agiudai, ma no teneus ni dinai ni autoridadi.
In cussa cenàbura s’intendiat su fragu de s’impìnniu bellu, chi fait e si movit, chi s’acostat a chini sunfrit e chi arrennescit a tenni fueddus e manus de agiudu. Difatis, in cussas milli personis ddoi fiant piciocheddus e genti manna; babbus e mammas e operadoris; maistus e professoris e assòtzius de atividadi sotziali.
Totus impari po no lassai solus a cussus chi tenint s’autismu e nimancu is famìllias. Est stètiu finas bellu a biri sa presèntzia de su prefetu, de su sìndigu, de assessoris comunalis, consilleris regionalis e finas onorevolis de Roma. Donniunu in su logu suu. S’organizadori, su poliziotu Rochi, at postu impari totu custa genti po torrai a sutaliniai s’importu chi tenint su bonucoru e su connosci su chi si bivit. Candu una cosa no si nomenat, no si connoscit, no si ponit in mesu, si podit timi e podit binci.
Sa punna de s’atòbiu est pròpiu sa de nci stesiai dònnia timoria de s’autismu e sa de traballai impari po ddu cumprendi mellus, po ddu studiai, po essi de agiudu a chini ndi sunfrit. M’est parta bella finas sa cosa chi a baddai, a cantai, a fai giogus po totus nci fiant piciocheddus e giòvunus etotu. Su pensamentu miu est andau finas a sa scola: est giustu chi siant maistus e dirigentis a traballai po donai agiudu didàticu e sotziali a is scientis, ma at a essi ancoras prus utilosu chi siant finas is famìllias e is cumpangeddus etotu.
No est fàtzili po motivus meda, ma tocat a cunsiderai custu atòbiu comenti a unu momentu de imparu mannu. A spantai a totus funt stètius is elicòterus de sa Politzia e de s’Aeronàutica chi no si-ndi funt sceti pesaus a bolai, ma ant amostau comenti si intervenit, candu serbit, cun is canis. In prus, de sa turri de s’aeroportu ndi funt calaus is Supererois, politziotus bestius de Uomo Ragno, Superman e àterus. E totu custa festa bella si depit pròpiu a su Sindacau de sa Politzia, chi fait unu traballu mannu po ponni impari dònnia annu a totu cussa genti e a is artistas chi faint su spetàculu.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.