- Dettagli
- Domenica, 21 Luglio 2024 10:43
- Scritto da Redazione
Librus. Una professora de Semèstene at postu pregontas a is fèminas de sa Bìbbia
S’annu passau s’editori Papiros de Nùgoro at publicau unu libru de importu po chini est amantiosu de su sardu e, impari, de sa Bìbbia: Arrejonadas cun fèminas de sa Bìbbia in libertade e veritade, scritu de Maria Antonia Fara. Agiumai cuatruxentus paginas de intervistas a fèminas de su testu bìblicu. Unu traballu mannu scritu in italianu e in sardu logudoresu: Fara est de Semèstene.
A sa tira de su libru ddi narant Sa Paràula e si cumprendit chi su carateri mannu est po arrespetu de sa Paràula de Deus. Poita funt duas is punnas chi s’est posta sa professora chi at scritu su libru. Sa primu est de ddu fai in sardu po chini stimat sa lìngua nostra, po chini dda bolit connosci mellus, po chini tenit s’idea chi est mellus a ddu nai in sardu, o finas in sardu.
Poita, iscriit Maria Antonia Fara, s’intentu est de dare proa chi de calechisiat cosa si-ndhe podet faeddare in sardu. In custu tempus nostru, chi meda pessones no at tentu sa dìcia de connoscher in domo issoro sa limba nadìa, deo cherzo esser distimonza de sa sienda manna chi tenimus a perder, e chi semus a curtzu a perder, ca dae mama a fizu no est istada imparada (p. 9).
Duncas, sa prima punna est sa de podi fai cumprendi chi in sardu si podit nai e scriri totu e de totu is matèrias. Chi est, e diaici est, una lìngua, tocat a podi nai dònnia cosa, no sceti de chistionis de massajus, pastoris, fainas de domu o de sartu. Si podit finas chistionai de filosofia, de stòria, de chìmica, de literadura, de Bìbbia.
Pedru Casu at bortau in sardu de sa bidda sua, Belchidda, tota canta sa Divina Cumèdia de Dante Alighieri. Sa punna de duas, chi s’est posta Fara scriendi custa òpera, est de fai a connosci a genti meda su Fueddu de Deus. No ddi bastat de ddu torrai a nai a chini ddu connoscit giai e ddoi creit po fidi, ma finas a ddu fai arribai a totus cussus chi no dd’ant intèndiu mai o ddu bolint torrai a intendi. Chini no at mai intèndiu su nòmini de Sara, de Maria Maddalena, de Rebeca o su contu de sa sorga de Pedru, o de cudda fèmina chi perdiat sànguni de doxi annus?
A chini at fatu assumancus unu pagheddu de tempus in sa dotrina, de seguru ddus at intèndius. Epuru, pagus si-ndi arregordant e ddu sciint torrai a contai. Fara, professora in scolas mèdias de literadura e itàlianu e finas specializada in Scièntzias religiosas in Tàtari, at tentu in su tempus de su Covid de bivi custa missioni cumentzendi de su giassu de Facebook. Ingunis, faiat diretas, spieghendi sa Bìbbia e chistionendi de chistionis acapiadas a sa religioni. No est noa a custas fainas, poita de su 1977 a su 1999 at ghiau trasmissionis radiofònicas in medas arràdius in tema de chistionis bìblicas e de religioni.
Duncas, una fèmina chi tenit cumpetèntzia! No est unu libru de imparu sceti, ma de pregontas e de arrespustas. Professora Fara intervistat a is fèminas bìblicas e issas arrespundint segundu su contu de sa Bìbbia e, a bortas, cun sabodoria, contras a biblistas e studiosus.
In prus de totu, chi est forsis una de is cosas chi ddu fait una prenda manna po oi, dònnia fueddu est arregistrau e si podit ascurtai. Totu su libru, capìtulu cun capìtulu, si podit ascurtai in su giassu: www.papiros.sardu.info/arrejonadas-feminas-bibbia cun is boxis de Fara comenti a pregontadora e àteras fèminas comenti a personis de sa Bìbbia. De ascurtai o ligi!
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.