- Dettagli
- Domenica, 03 Novembre 2024 10:01
- Scritto da Redazione
Est mellus su fueddu suu, chi no unu de sardu strupiau e pigau de s’italianu
Antoninu Tzurrundeddu si bestiat comenti a unu mumutzoni, poita no iat mai tentu sa possibilidadi de si comporai bestiris de sa misura sua. Su chi si poniat fiat arregalau de sa genti chi ndi teniat làstima de cussu òmini. Giai de piciocheddu sa famìllia fiat pòbera e de dinai po pigai arroba o carpitas ndi ddoi fiat pagu e nudda.
Duncas, po sa bestimenta nci pensàt sa caridadi de sa genti. E cussu po si-ndi scapotai de is praxeris, faiat traballeddus me in is domus o giorronadas me in is cungiaus. No fiat maistu de nudda, ma nci arrennexiat a arrangiai dònnia cosa. Su lumìngiu, tzurrundeddu, si dd’iat postu su tziu, poita teniat sèmpiri s’idea de lompi a celu bolendi.
In su bisu e in sa vida si pensàt unu pilloneddu pintau. E su tziu dd’iat nau: A bolai nci as a arrennesci, ma no comenti a pilloneddu, ma a moda de tzurrundeddu. E is cumpàngius de insaras diaici dd’ant cumentzau a tzerriai. Donna Elvira dd’iat cumandau de ndi-ddi segai una mata de pirastu chi fiat crèscia tropu in su cabitzali de una terra chi teniat in monti.
Antoninu fiat arribau a ingunis e iat cumentzau a segai sa mata a serracu, finas a ndi-dda segai totu. A prandi si fiat imbriagau e ddi fiat torrau su disìgiu de bolai. Pigat una pariga de fustis e ddus acapiat a pari. Sterrit asusu su capoteddu stampau e si-nci ghetat po arribai bolendi prus impressi a bidda. Sartau chi essit, nci fiat arrutu asusu de una mata de figu morisca chi fiat in bàsciu.
Tzopu e prenu de spina, fiat torrau a bidda arrennegau nieddu cun sa meri de sa terra. Ma no teniat àteru logu de fai cresci cussa figu morisca? Chi no nci fessit stètia, fui lòmpiu a bidda bolendi. Apu a andai a Comunu po ddi fai espropriai sa terra. Dd’ant a donai a mei po is dannus chi apu tentu.
Donna Elisa sciiat su contu de issa e no timiat a nemus: Ascurta pagu pagu, Antoninu Tzurrundeddu. Chi bolias bolai, ti-ndi podias scudi de su campanili, assumancu no ias agatau figu morisca asuta. E sa terra mia no mi dda spossidis ni tui, ni su Comunu, ni su maresciallu de is carabineris.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Aree idonee: dove sarà possibile installare gli impianti per la produzione di energia rinnovabile?
Lo spirito critico: una qualità indispensabile per affrontare la realtà
Uniti nel Dono, la nuova campagna della CEI di una Chiesa che si fa prossima agli altri
Sudan, il paese colpito da una delle peggiori crisi umanitarie al mondo
Cremazione: una possibilità scelta sempre di più dalle persone
La vita e l'opera di padre Giovanni Sotgiu di Norbello
Il pane: simbolo di cibo e di condivisione
Incontri
Patrizia Tetti e il suo cammino verso l'Ordo Virginum
Antonella Giuliano ci svela il segreto dei suoi squisiti dolcetti
Giorgio Diritti, il regista di Bologna, ospite in città
Torregrande: abbiamo intervistato Alessandro Montisci, presidente del Tennis Club 70
Due maestri iconografi ci svelano la spiritualità delle loro opere
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.