- Dettagli
- Domenica, 10 Novembre 2024 09:58
- Scritto da Redazione
Est mellus su fueddu suu, chi no unu de sardu strupiau e pigau de s’italianu
Gana meda de ndi boddiri cussa olia no ndi teniat. Ma fiat s’ùnica faina chi faiat in totu s’annu in su sartu chi dd’iant lassau su babbu e sa mamma. Cussas matas fiant artas e no ndi segàt mancu un’arrampu po no traballai nudda nudda. Duncas, Serafinu Bobboi poniat is telus asuta de is matas e, una borta a sa cida, andàt a biri cantu ndi fiat arruta.
Sigomenti fiat mandroni, ma no tontu, iat scritu is primas lìteras de su nòmini e de su sangunau cosa sua. Duncas, in cussus telus ddoi fiat S.B. agiumai in dònnai mesu metru cuadru. Chi mi-ndi furant unu, dd’agatu luegus! In su sartu iat lassau finas botus, marra e furconi, totus scritus cun cussas duas lìteras.
Duncas, biviat trancuillu e sulenu, sena de pensamentus e abetendi chi s’olia nd’arruessit. Tzertu, s’ollu non fiat bellu friscu, ma fiat sèmpiri mellus de traballai, de si scosciai boddendi olia. Una dii de festa si fiat fatu unu giru cun sa motoreta po cumprendi chi fiat tempus de ndi-dda scigai. Arribau a s’olivàriu, no ndi-dd’iant furau unu, ma totus.
Fiat acanta de ddi calai guta! Pigat sa motereta e cumenzat a girai peri is cungiaus, po circai de biri a calincunu ponendi telus. Arribau acanta de bidda, biit de atesu a un’òmini tzopu calendi-ndi telus de s’apixedda sua. Si firmat e ddi narat: Dii de comporai telus est oi? No dd’apu mai biu imperendi telus in cungiaus innui no ddoi funt matas de olia.
E cuddu: Deu ddus imperu po sa mèndula e apu acabau de dd’arregolli cuìndixi diis a oi. E Serafinu: Gei mi parint is mius custus telus. Bolit biri ca agatu sa prova? Funt scritus: S.B, chi est Serafinu Bobboi e seu deu. E cuddu, sighendi a calai is telus: Ddi depu fai scriri ca a mei mi narant Sisinni Bullegas, S.B. E Serafinu: Ma deu apu biu impontas de pei a parti de manca de chini mi-nd’at furau is telus. E tziu Sisinni: Mah! Chi calincunu ti-nd’at furau is telus, si ddus depit essi carriaus a pala e duncas faiat pesu. Po s’arrastu, fai-tì cani de cassa ca gei as a tenni sorti bella.
Faina fatta cun s'agiudu de sa Regione Sardigna Avisu IMPRENTAS - L.R. 22/2018, art. 22
A cura di Michele Antonio Corona
E' sempre tempo per abbonarsi a L'ARBORENSE
Approfitta delle nostre promozioni.
CLICCA QUI per sapere come fare
Leggi anche
Focus
Confagricoltura: a Cabras confronto sul futuro del comparto
A due settimane dal Referendum sulla Giustizia: alcune considerazioni
Parlare con i propri figli: perché è importante che i genitori lo facciano
La fibromialgia: una malattia sottile oggi meglio identificabile
Le palme. Il loro intreccio, una vera arte. Ne parliamo con Nevina Dore
Lo stretto di Hormuz: uno snodo commerciale tra i più importanti al mondo
San Francesco e il coraggio educativo della pace. La via dell’essenziale oggi
Incontri
Intervista a Irene Giancontieri, attrice nella fiction RAI 'Don Matteo'
Un'ostetrica in Tanzania: l'esperienza di Giorgia Pitzus
Intervista a Suor Gabriella, che a Oristano gestisce da anni la Mensa della Carità
Intervista a Daniela Somaroli, presidente dell'associazione Komunque donne
Intervista a Ilaria Canu, presidente della Pro Loco di Oristano
Account
Privacy
Iscriviti al nostro canale youtube
Guarda i nostri video dalla diocesi
Copyright © 2026 Arborense.it - Editore: Arcidiocesi di Oristano - P.I. 01120320955 - CF: 90000270950 Piazza Duomo 18/a 09170 Oristano. Tel. 0783/769036 - fax 0783/775669. boxlab.it realizzazioni siti web.